DILI, (timorpost.com)—Juis Administradór Tribunal Judisiál Primeira Instánsia Oekusi (TJPIO), Arjentinho Luisa Nunes, hatete Tribunal Movel Oekusi too agora nafatin seidauk reativa fali programa.
“Tribunal movel ne’e, presiza duni, tanba ita hare ita nia kondisaun ekonómiku ita boot povu sira ne’e iha distánsia, tanba ne’e presiza tebes. Tanba komunidade sira barak mak hela distánsia dook husi Tribunál Judisiál Primeira Instánsia Oekusi, depois kondisaun ekonomia la suporta, tanba ne’e presiza duni funsionamentu tribunal movel, hodi hakbesik justisa ba iha ne’ebá bele ona responde hodi redús prosesu pendentes,”dehan Juis Administradór Oekusi, Arjentinho Nunes ba jornalista sira iha TJPID, Segunda (08/04).
Nia dehan, Planu funsionamentu ba tribunal movel seidauk, tanba rekursu umanu.
“Ita nia lei ezije dehan internamentu hotu-hotu kompletu, ezemplu julgamentu foin marka dala ida nia la mai, lei obriga prezensa ne’e obrigatóriu, sira ne’ebé sai sasin, lezada no arguidu sira, maibé balun la mai, entaun lei dehan tenke hadi’a, se kuandu hadi’a ona entaun konsekuénsia sira ida mai ne’e lakon ona buat barak, marka tan data foun balun mai no la mai, impaktu nafatin, tanba ne’e, funsionamentu tribunal movel iha fali, tribunal mak hakbesik ba sira nia hela fatin, sei la fó impaktu ba sira,” dehan nia.
Nia haktuir, durante ne’e tribunal judisiál Primeira Instánsia Oekusi, hasoru problema ida mak, komunidade sira ne’ebé sai arguidu, sasin no lezada sira balun hela distánsia dook, entaun dala ruma mai tarde, no balun mós dala ruma la marka prezensa, tanba kondisaun ekonomia la permite.
Maibé, ho situasaun sira ne’e, tribunal kontinua buka mekanizmu oinsá, atu bele redús prosesu sira ne’e, kontinua servi di’ak ba iha povu no ba ema ne’ebé buka justisa, ba ida ne’e tribunal sei laiha duvida atu halo tribunal movel ne’e, atu nune’e bele fó benefísiu ba iha ema sira ne’ebé buka justisa hodi redús prosesu pendente sira tuir ita nia ezijénsia husi sosiedade no husi povu.
1,098 total views, 6 views today
Bele hare Video Seluk :