Dili (timorpost.com)—Uniaun Europeia (UE), iha Timor-Leste realiza kolókiu nasionál ho tema”, Hakbiit Fó Apoiu Maka’as ba Partisipasaun Feto, Joven Ho Ema Defisiénsia Kompete ba Eleisaun Suku 2023”.
Objetivu husi Kolokiu ne’e hodi enkoraja Feto, Joven Ho Ema Defisiénsia Kompete ba Eleisaun Suku hodi ezerse sira nia direitu tuir liberdade no demokrasia hanesan sidadaun iha país ne’e.
Tuir Embaixadór Uniaun Europeia (UE), iha Timor-Leste, Marc Fiedrich, hatete Uniaun Europeia iha kompromisu apoiu ba sidadaun hotu importánsia partisipa iha eleisaun suku. Tanba eleisaun suku ne’e importánsia tebes.
“Uniaun Europeia (UE) nia suporta, fortaleza hakarak atu ema hotu asegura katak ema nia partisipasaun importante nu’udar mós kandidata aan, ida ne’e mak Uniaun Europeia nia apoiu maka’as”. Dehan Embaixadór Uniaun Europeia (UE), iha Timor-Leste, Marc Fiedrich, asuntu ne’e ba jornalista sira iha salaun Delta nova, Tersa (24/10/2023).
Nia hatete, husi kolókiu ida ne’e ita husu atu ema hotu bele ezerse direitu hanesan sidadaun iha eleisaun suku ne’e, EU enkoraja maluk feto, ema defisiente inklui ema hotu iha direitu hanesan atu partisipa iha eleisaun ida ne’e.
Hanesan dadus ne’ebé rekolla hatudu feto nia partisipasaun iha eleisaun suku tinan ne’e ho kuantidade makas, ho númeru ne’ebé aas, kompara ho tinan sira seluk iha eleisaun suku anterior. Ida ne’e etapa ida ne’ebé hatudu sinál di’ak.
“Kona ba feto hira mak sei assume kargu hanesan Xefe suku eleitu ha’u la hatene, tanba ita la hatene loloos númeru hira mak sei hetan votu barak, maibé espera sei iha lideransa feto ne’ebé mak di’ak husi eleisaun suku ida ne’e”. Nia haktuir.
UE optimizmu nafatin apoiu kualkér atividade eleisaun suku atu bele lao ho di’ak livre transparente no demokrasia.
“Apoiu sei nafatin kontinua hanesan agora daudaun implementa husi Plan Internasionál Sosiedade sivíl, no Caucus Patria no seluk tan”.
1,089 total views, 3 views today
Bele hare Video Seluk :