Dili (timorpost.com)–Prezidenti Asosiasaun Feto Munisipal Dili (AFEMDIL). Maria Fatima Amorin Pereira hateten, Feto Potensial Dili Na’in-11 prontu Kompete eleisaun Suku iha munisipiu Dili.
“Ami prepara ona inan Feto sira ne’ebé prepara atu kompete kandidatu Xefe Suku. Tempu badak, ami foti ona dadus , identifika ona Feto Potensial sira, ne’ebé mak hakarak atu kompete eleisaun suku”, Prezidenti AFEMDIL. Maria Fatima Amorin Pereira dehan ba Jornalista Timor Post iha Dili, Kuarta – feira (06/09/2023).
Asosiasaun Feto Emprezarial Munisipiu Dili, foka liu ba promove atu halo mudansa promove dezenvolvimentu feto. Nune’e identifika ona feto na’in-11.
Alende iha kapital Dili, asosiasaun mos sei servisu atu identifika tan feto potensial sira iha munisipiu Dili tomak, inklui iha Postu Administrativu Metinaro.
917 total views, 3 views today
Bele hare Video Seluk :