DILI (timorpost.com) – Arsebispu Arkidioseze Dili, Dom Virgílio do Carmo da Silva hamutuk ho reitór dekanu, padre, madre no dosente sira inaugura rádiu komunikasaun sosiál Universidade Catolica Timorense (UCT) nian ho frekuénsia FFM.20.0.
“Ha’u hamutuk ho reitór, dosente, madre no padre sira hodi inaugura estúdiu rádiu komunikasaun sosiál ho frekuénsia FFM.20.0 ne’ebé estabelese iha Universidade Catolica Timorense Saun Paulo II hodi tranzmite atividade universidade nian ba iha públiku,” Arsebispu Dom Virgílio do Carmo da Silva haktuir ba jornalista sira iha salaun UCT Balidi, Kuarta (07/09).
Dom Virgílio hatete, ne’e la’ós inaugura de’it sala estúdiu rádiu, maibé inaugura laboratóriu komunikasaun sosiál no enkontru hamutuk konsellu universitáriu no inaugura sala estúdiu pratika, foto estúdiu komunikasaun nian no mós inaugura sala pratika matéria nian ekipamentu kompletu hanesan komputadór no fasilidade seluk tan ne’ebé apoiu estudante sira pratika.
Aleinde ne’e mós, fasilita estudante sira pratika matéria komunikasaun sosiál nian hodi tranzmite atividade eskola nian ba iha públiku nune’e bele asesu informasaun.
Nune’e mós, bele tulun estudante sira sai ema profisionál la’ós iha teoria, maibé iha mós pratika hahú husi halo filmajen to’o iha parte programasaun hodi tranzmite informasaun liuhusi rádiu ne’e importante tebes, tanba daudaun ne’e media sosiál fó sai informasaun ne’ebé laloos.
Tanba ne’e mak uma kreda Katólika esforsu hodi harii universidade no instala tan rádiu komunikasaun nian hodi fó sai informasaun ne’ebé savor komunidade sira, tanba ne’e mak husu ba estudante sira atu utiliza fasilidade hirak ne’e uza ho di’ak hodi bele uza ba tempu naruk estudante seluk mai bele uza fali hodi pratika.
Nia dehan, estúdiu no biblioteka ne’e importante tebes ba estudante sira hotu-hotu, liuliu departamentu komunikasaun sosiál hodi treinu sira sai edukadór atu uza meius komunikasaun modernu hodi tranzmite informasaun ba iha públiku ho kualidade.
Portantu, ohin loron fó pose ba kargu dosente no kargu servisu administrasaun lojístika, koordenadora kursu, funsionáriu biblioteka, servisu manutensaun no teknolojia informátika hamutuk 22 hodi halo servisu tuir kompromisu no tuir regra universidade estabelese ona.
“Tanba ne’e mak ha’u fó parabéns ba magnétiku reitór ho nia estrutura tomak ne’ebé servisu makas ohin marka istória iha universidade ida ne’e hari kompleta ho fasilidade ne’ebé adekuadu hodi fasilita estudante sira iha prosesu aprendizajen hodi pratika iha mundu jornalizmu nian”, nia dehan.
Iha fatin hanesan, reitór UCT, Padre Joel Casimiro Pinto, informa, sua eminénsia Dom Virgílio do Carmo da Silva hamutuk ho dosente sira inaugura estúdiu rádiu komunikasaun UCT no mós fó pose ba dosente no funsionáriu administrasaun, finansas no tékniku informátiku hamutuk 22 hodi halo servisu tuir regra universidade nian.
Tanba ne’e mak universidade loke departamentu komunikasaun sosiál hodi estabelese rádiu komunikasaun ho frekuénsia FFM.20.0 hodi fasilita estudante sira pratika oinsá sai cameramen ne’ebé di’ak, no mós sai eskritór ne’ebé di’ak hodi hakerek notísia ne’ebé di’ak hodi bele tranzmite informasaun ba públiku ho kualidade.
Entaun universidade prepara ekipamentu ba ne’ebé estabelese iha rádiu ho adekuadu hodi nune’e bele tulun estudante sira uza hodi pratika iha prosesu aprendizajen hodi nune’e termina estudu bele pratika iha fatin seluk tuir sira nia kapasidade no abilidade.
Enkuantu, dosente ne’ebé hanorin estudante iha UCT hamutuk kompostu permanente no kontratadu hamutuk 105 ho nia fakuldade haat departamentu hamutuk sanulu resin, ho nia estudante finalista no estudante ne’ebé hala’o estájiu ho estudante ativu hamutuk 1.311.
Portantu, eskola refere ho nia sala de aula hamutuk 42, maibé fahe ba estudante kada sala ida akumula estudante hamutuk na’in-30, maibé, depende ba dosente sira maka koloka estudante sira hodi partisipa iha prosesu aprendizajen.
3,108 total views, 3 views today
Bele hare Video Seluk :
Subscribe to Timorpost
