Dili (Timorpost.com)—Xefe Bankada PLP iha Parlamentu Nasionál, Maria Ángelina Sarmento, hatete alterasaun ba lei KAK ne’e loke dalan mós ba futuru konsekuénsia seluk sei mai.
Nia haktuir, Governu mós tenke simu kuandu aban-bainrua mudansa ruma, partidu seluk mós hakarak halo hanesan ne’e, nia bele nomeia ema iha favoritizmu karik ho nia interese, ne’ebé hanoin korrupsaun, konsidera hanesan fenomenál sosiál ida ne’ebé labele partidariza no partidu polítiku hotu tenke kontribui apoiu, mak tenke kuidadu altera lei ida ne’e.
“Ami nia pozisaun la konkorda ho alterasaun ida ne’e. Alterasaun ida ne’e sei, ita halo duni estatutu husi Komisaun Anti-Korrupsaun, ne’ebé fó hanesan órgaun espesiál ba krime korrupsaun nian, ita hatún tiha nivel ida ne’e, no sei ita ko’alia kona-bá korrupsaun tenke iha konsensu nasionál apartidariza tiha ida ne’e, ha’u hanoin bankada hotu sei hola pozisaun hodi konsensu hodi fó apoiu ba komisáriu halo servisu la haree, atu halo ba se ou responde ba se nia interese”. Dehan Xefe Bankada PLP ih Parlamentu Nasionál, Maria Ángelina Sarmento, iha Plenaria Parlamentu Nasionál Segunda (22/04).
Nia hatutan, Komisáriu KAK tenke halo tuir no kumpre de’it lei no medida sira ba kombate korrupsaun ne’ebé hatete iha lei prevensaun no kombate krime korrupsaun nian, ne’ebé ke iha ona medida espesiál hatuur iha lei ne’e.
Kuandu prosesu sira ba iha Tribunál kona-bá, krime korrupsaun mak juiz sira sei la halo ona referénsia ba kódigu penal maís medida sira barak estabelesidu ona iha lei númeru 7/2020, entaun tenke iha koerénsia mós sei halo alterasaun ho urjente ba kompeténsia ne’e diak, maibé ba de’it kourum mak tenke tetu konsekuénsia husi alterasaun lei KAK.
Iha sorin seluk, Deputada Bankada CNRT, Maria Gorromali Barreto, hatete lei Komisaun Anti-Korrupsaun iha fatin para sofre alterasaun tanba ho razaun ne’ebé mai forte tebes hodi kontinua funsionamentu KAK nian atu halo servisu tuir lei no orden.
“Ita hotu akompaña Instituisaun KAK ne’e, la funsiona ho di’ak durante tinan ida resin hafoin laiha konsensu entre bankada iha Parlamentu, entaun ho alterasaun ida ne’e fó dalan ba KAK, atu halo nia servisu,” hateten nia.
IX Governu sei la partidariza Instituisaun KAK no Parlamentu Nasionál mós sei la hamenus kualidade lei ida ne’e, tanba Governu mai ho razaun ida forte kona-ba halo alterasaun ba artigu-rua husi lei ne’e rasik.
1,260 total views, 3 views today
Bele hare Video Seluk :