Timorpost.com I AINARU–Sekretáriu Komisaun Polítika Nasionál (CPN), Lito Rambo, konvida ba Ainaru-oan atu kontinua obra Saudozu Fernando Lasama de Araújo, liuliu luta ba demokrásia.
“Ha’u konvida Ainaru oan sira tenke kontinua obra Saudozu Lasama, tempu ona ita boot sira tenke kuda no hametin PD iha Ainaru,”Hateten Lito Rambo liu husi komísiu Nasionál iha Munisípiu Ainaru Villa, Sesta (12/05).
Nia hatutan, Fernando Lasama hanesan manu ne’ebé futu nanis, tanba ne’e, Ainaru oan tenke hakat tuir Ain-fatin hodi luta ba moris di’ak povu no nasaun nian.
“Labele fo tempu ba partidu ne’ebé daudaun ne’e ukun hela, depois mai halo promesa falsu ne’ebé daudaun hanesan folin sasán sa’e. Maibé daudaun ne’e sira ukun hela rai ne’e,” Lamenta nia.
Nune’e mós, tuir moto husi Lasama nia katak, “Hau-nia dignidade la Aas liu dignidade nasaun nian”.
Entretantu, iha komísiu ne’e hetan partisipasaun másimu husi Militante no Simpatizante sira, hetan mós superviziona husi Sekretáriadu Tékniku Administrasaun Eleitorál (STAE) no Komisaun Nasionál Eleisaun (CNE). Nune’e mós hetan Seguransa husi Polísia Nasionál Timor-Leste (PNTL), komandu Munisípiu Ainaru.(jho)
1,014 total views, 3 views today
Bele hare Video Seluk :