DILI (Timorpost.com) Akompaña Eclipse Solar iha loron 20 fulan Abríl tinan ne’e, turista Astronomia 29 destaka ona iha munisípiu Vikeke enkuantu balu sei ba Baukau no Lospalos Com.
Ministru Turizmu Komersiu Industria Jose Lucas do Carmo da Silva, informa ohin mai enkontru ho primeiru ministru hodi atualiza preparasaun sira ne’e ajenda komesa husi horisehik too Segunda 17 too dia 20 Abríl ne’e, hodi halo preparativu ba bainaka sira atu mai ne’e.
Iha feira ne’e saida mak akontese mak iha festival ai han lokál, kompetisaun pintura ba labarik sira, iha Com kompetisaun ba korrida ró.
Tanba ajenda prinsipál iha loron 20 fulan Abríl, ne’ebé mak VIP sira husi nasionál ba hamutuk bainaka sira, hodi asiste hamutuk hodi haree ba Eclipse ne’e, MTKI a loka orsamentu por volta 250 mil hodi fasilita eventu ida ne’e.
“Ate a data ita iha 29 austronomo iha Vikeke, ne’e husi Russia no Nigeria, husi Amérika nian sira sei ba Com, turista hira mak atu mai daudaun parte tékniku sira sei konfirmasaun de dadus”, Jose Lucas, informa ba jornalista sira hafoin remata audiénsia ho primeiru ministru Taur Matan Ruak, Tersa (18/04) iha Palacio do Governu.
Tanba ne’e ohin ministru turizmu komérsiu indústria mai halo atualizasaun ba programa total Eclipse solar ne’ebé akontese iha país ida ne’e.
Parte ponta leste afeta maka’as mak Lospalos no Vikeke no parsialmente sei kona munisípiu Baukau Bagia, tanba ne’e mak ohin ministru mai hato’o.
Governante ne’e informa, iha okaziaun ida ne’e MTKI mai hato’o, tanba ministériu turizmu komérsiu indústria mak sai hanesan koordenadór iha liña ministerial sira hotu oinsá fasilita prosesu ida ne’e.
Atu bele fasilita bainaka sira mai ne’e, iha ne’e MTKI a loka fundu balu atu haree ba eventu ida ne’e, saida mak komesa halo ona, semana tolu liu ba, ekipa integradu ida tun ba halo sosializasaun Eclipse solar ne’e rasik.
“Agora daudaun saida maka akontese horisehik hanesan abertura de feira Eclipse solar nian, iha Baukau, Lospalos Com nune’e mós iha Vikeke, ida ne’e mak la’o ona”, nia aprezenta.
9,553 total views, 3 views today
Bele hare Video Seluk :
Subscribe to Timorpost
