Dili (timorpost.com) – Diretór Ezekutivu Asia Justice and Rights (AJAR), José Luis de Oliveira, konsidera Governu, la sériu no la tau importánsia hodi hakarek Istória Timor.
“Ita-nia Governu atu tau importánsia no polítika ba Istória ne’e seidauk. Ita dala-ruma iha diskusaun sira konsidera tau importánsia maibé realidade ita haree iha Universidade sira, Departamentu ida seidauk iha unidade ida ne’ebé trata asuntu istória”, nia dehan hafoin segundu Konferénsia Nasionál iha Salaun Centro Nacional Chega (CNC Sigla-Portugues), Balide, Tersa (25/10).
Nia dehan, iha eskola ensinu sira hahú husi primaria to’o Sekundáriu ne’ebé nia matéria istória iha, maibé istória ida ne’ebé hakarek husi Ema rai li’ur hanesan iha Nasaun Português no Brazil maka hakarek.
“Ba Timoroan rasik atu hakarek ne’e seidauk, foin iha tinan rua kotuk ha’u mós partisipa iha ekipa kurríkulu ba terseiru siklu ne’ebé ha’u responsavel ba sira kona-ba Siénsia Sosiais ne’ebé koko atu dezenvolve hakarek ita-nia istória iha Siénsia Sosiais rasik, maibé Infelizmente troka Governu buat sira ne’e paradu hotu”, nia hateten.
Tanba ne’e Timor-Leste Ukun aan kuaze tinan 20 ona, maibé seidauk iha Polítika ida forte oinsá maka atu hakerek no dezenvolve istória rasik atu nune’e hot-hotu bele sente orgullu rasik no sente patriotizmu rasik iha rai laran.
Istória iha rai laran ne’e sei domina no sentimentu patriotizmu ne’ebé tenke deskoloniza duni, agora seidauk ba esforsu sira seluk ida ne’ebé atu influensia Governu partikularmente iha MEJD Tantu Ensinu Superior no ensinu báziku.
“Tanba ne’e Governu tenke fó importánsia duni no tenke halo esforsu oi-oin, kurríkulu, dezenvolve matéria, fó Formasaun ba Profesór sira, tanba difikuldade ida mós hanesan Profesór mós laiha esperensia hodi hanorin istória ne’ebé empodera povu. Ita-nia istória ne’ebé iha profesór sira, Istória ne’ebé ita hatutan de’it Ema nia istória, maibé atu halo fali ba labarik sira ne’e la iha koneksaun sentimementu entre ho itania rai ida ne’e”, Luis tenik.
Enkuantu ida ne’e maka akontese, ne’ebé haree labarik joven sira agora halo violénsia bar-barak, husu pergutas katak ne’e tanba sa, serake joven sira sala, maibé ba nia ne’e tanba Edukasaun falla, Edukasaun istória ladún la’o ho di’ak hodi nune’e Ema hadomi rai ida ne’e.
“Edukasaun Istória no sivika ne’ebé la’o ne’e seidauk forte tebes hodi nune’e halo ne’e hadomi rai ida ne’e, husi ne’e Governu tenke iha polítika forte hodi dezenvolve ita-nia kurríkulu ida ne’e, maibé kurríkulu la’ós programa atu hanorin maibé kurríkulu sentidu fó formasaun ba profesor sira, atu nune’e sira iha metodu ne’ebé apropriadu oinsá hanorin Istória ne’ebé kuran sentidu patriotizmu”, nia hakotu.
1,569 total views, 3 views today
Bele hare Video Seluk :
Subscribe to Timorpost
