DILI (timorpost.com) — Prezidente Repúblika (PR), José Ramos Horta, hateten prosesamentu Gáz Natural Liquifeitu–GNL nu’udar assuntu komplexksuu, maske iha retornu bo’ot husi investimentu ne’e.
Pozisaun ne’e hato’o Timor Postu Online, asesu husi ekipa SKS ne’ebé ho Xefe Estadu bainhira vizita instalasaun Gáz Natural Liquifeitu (GNL) iha Darwin, ne’ebé jere dezde tinan 2006 husi empreza Santos, hodi prosesa gáz husi kampu Bayu Undang.
“Iha ne’e mak simu gáz husi Bayu Undang iha tinan hirak ne’e nia laran, iha fatin ida ne’e iha altu nivel teb-tebes, mak depoiz halo liquifeitu, tanba gáz ne’e ho volume bo’ot teb-tebes, entaun tenke konvensa, liuhusi mákina sira ne’e hotu, delikadu teb-tebes, alta teknolojia, depoiz ho ró-ahi ba Japaun no osan tama Timor-Leste,” sita komunikadu Xefe Estadu hateten iha Darwin (10/09).
Tuir Xefe Estadu, reseita petrolífera mak mak finansia seitor infraestrutura, edukasaun, sosiál no seluk tan iha Timor-Leste.
“Investimentu bo’ot ho teknolojia, fó perigu, risku oi-oin, ho ema matenek ne’ebé halo buat sira ne’e, ita simu osan, iha depoiz osan sira ne’e ita uza hodi investe buat lubuk, ita nia Estrada ba Díli, ba Lospalos, ba Baukau, ba Same, eletrefikasaun, bolsa estudu, ba ema ho difisiénsia, veteranu sira, ba faluk sira ne’e mai husi ne’e,” Xefe Estadu subliña.
Relasiona ho produsaun Bayu Undang ne’ebé mak sei remata iha tempu besik, empreza Santos sei lori ba Portu Tibar, ró-ahi ne’ebé hanesan estrutura armajenamentu offshore no halo dezmantelamentu.
“Agora daudaun Bayu Undang atu maran ona no Santos atu monta ekipamentu balun iha Portu Tibar, para fase ekipamentu sira ne’e no fatin ne’e sai bo’ot teb-tebes ba kapturasaun karbonu ne’ebé mak bo’ot liu iha Ázia no mós iha mundu,” konklui Xefe Estadu.
Enkuantu, vizita Xefe Estadu ba Austrália mós ko’alia kona-ba dezenvolvimentu Greater Sun Rise ne’ebé durante ne’e paradu, tanba pozisaun polítika ne’ebé la hanesan no Austrália, hakarak dada Gáz Natural Liquifeitu ba Darwin, enkuantu Timor-Leste hakarak dada gazodutu bá Beasu.
Alende Greater Sun Rise lokaliza kilometru 150 husi Kosta Sul Timor-Leste no Kilometru 450 bá Darwin, Austrália.
2,314 total views, 3 views today
Bele hare Video Seluk :