Dili (timorpost.com)—Hanesan nasaun ida, sempre iha nia produtu lokal rasik ne’ebe sai hanesan identidade husi nasaun refere. Produtu lokal sai save ida lori ema hatene ninia ezistensia husi nasaun ne’ebe. Hanesan sidadaun presiza promove produtu lokal hodi sai produtu komersial.
Embaissador Malazia iha Timor-Leste hamutuk ho komunidade Malazia ne’ebe eziste iha TL hala’o promosaun ba hahán produtu lokál hanesan Onde-Onde, Roti Jala’ liu husi kulinária ba iha públiku.
“Ami hamutuk ho embaixada Portugal, Brazil, Amerika, Japan, Australia, Uniaun Europeia, no parseiru UNICEF halo promosaun liu husi promove ami nia produtu lokál ba iha públiku hodi hatene ami nia orijen produtu lokál hanesan roti jala no Onde-Onde “Kuil Bom”, embaixadór Malazia iha Timor-Leste Amarjit Singh ba jornalista sira iha Hotel Timor Lodge Komoro, Sesta (10/11).
Produtu Lokal Onde-onde husi Malazia.
Embaixadór Malazia ne’e konta, sira halo promosaun ba sira nia produtu liu husi kulinária hanesan Kari Ayam, Chicken Curry, Roti Jala, Nut Rolls, no Onde-Onde, no Grated Coconut.
Onde-onde ou sempre ema Malzia bolu “’Kuil Bom” halo ho trigu depois tau nu bele mós fore-rai iha balu mo sense ho koto-mean. Hahan ne’e familiar hanesan produtu lokal nasaun Malazia nian.
“Promosaun ida ho objetivu atu habelar ami nia produtu ba iha públiku hodi hatene ami nia produtu hirak ne’e sai hanesan ami nia kultura Malaysia nian ne’ebé, kada tinan ami sempre halo iha ami nia nasaun”, Lideransa Malazia konta
Governante ne’e afirma, Timor-Leste ho Malazia sai hanesan parseiru di’ak ida tanba ne’e maka realiza atividade promosaun ida ne’e hodi promove sira nia kultura liu husi atividade kulinária tein hahán, halo dose, Onde-Onde no seluk.
Enkuantu atividade ne’e hetan partisipasaun husi komunidade Malazia ne’ebé namkari iha Timor-Leste hodi promove sira nia talentu liu husi tein no halo dose no seluk tan.
1,428 total views, 6 views today
Bele hare Video Seluk :
Subscribe to Timorpost
