DILI (timorpost.com)—Ohin santa Igreja Katólika Mundu inklui Timor-Leste selebra loron solenidade Nossa Senhora Assunção Virgin Santísima “Maria Kous Sala La’ek” ho selebrasaun ordenasaun diákonu Tadeu da Silva no Vitor de Jesus, simu ordenasaun prezbitériu nu’udar amu-lulik hosi Arsebispu Metropolitanu atuál Bispu Dili, Eminecia Virgílio Cardeal do Carmo da Silva, SDB iha Igreja Katedrál Maria Imaculada Conceição metropolitanu Dili.
Konselebrante misa ba ordenasaun sacerdotal ne’e Arsebispu metropolitanu de Dili, Eminecia Virgílio Cardeal do Carmo da Silva, SDB, reprezenta Santa Sé Bispu Marcos, Bispu Diocese Maliana, Dom Norberto do Amaral, Padre, Madre, Família Diákonu na’in rua inklui sarani sira.
Bispu metropolitanu Dili, Virgílio Cardeal do Carmo, SDB iha omilia hatete, Maromak fihir nanis ona nia emar sira molok mundu hahú nune’e finalidade ba eskolla no sai santu no karidade bibi-atan nian, sai naroman no dalan ba sarani sira liu husi prezensa Eukaristia santa misa. Ohin mós momentu ida espesiál tebes, igreja universal selebra loron 8 fulan Dezembru hanesan loron solenidade Nossa Senhora Maria Conceição, no agradese liután ba maromak tanba bolu tan atan rua hodi sai bibi atan hodi servi ba igreja.
“liu husi festa solene Assunção Virgin Santísima nian sai momentu ida ne’ebe nakonu ho grasa nian, tanba Maromak bolu no hili tan diákonu na’in rua hodi sai nailulik serve kreda Timor-Leste, tanba ne’e ita agradese”. Haktuir Bispu
Cardeal Virgílio hatete, sarani hotu hatene prosesu ba nailulik la’ós prosesu ida badak, maibé presiza tinan barak husi tinan barak ne’e iha esperiénsia di’ak no atan sai belun hotu iha dalan vokasaun ne’e.
“Sai Amu Lulik iha momentu sei sente, tanba ne’e ohin ita boot na’in-rua hatán katak sim ne’e, signifika ha’u hakarak, hakarak la’ós liafuan mamuk ida, maibé tenke hanoin ba prosesu ne’ebé mak imi liu ho tempu ne’ebé naruk,” haktuir Kardeál Virgílio.
Presiza sai amlulik ne’ebé oin midar laran luak hanesan inan virgin santa Maria Imaculada Conceição ne’ebé mak ohin ita selebra loron ohin.
Entretantu amlulik foun rua ne’e husi Munisípiu Ermera no ida seluk husi Munisípiu Aileu.
750 total views, 3 views today
Bele hare Video Seluk :
Subscribe to Timorpost
