DILI (timorpost.com)—Prezidente Repúblika (PR), Jose Ramos Horta fó pose ba Pascasio de Rosa hodi assume kargu hanesan Adjuntu Prokuradór Jerál Repúblika (PJR) ba Gabinete Sentrál Konteúdu Estadu nian no Interese koletivu no Difusos ba períodu tinan tolu.
Serimónia tomada de pose ne’e realiza iha Palasiu Prezidensiál Bairru-Pité, iha loron Kuarta (03/04).
“Ohin ha’u simu posse husi Prezidente Repúblika hanesan sidadaun Timor nu’udar onra bo’ot ida mai ha’u atu assume kna’ar importante ida iha ministériu públiku servisu kontajiozu estadu no interese koletivu difusos,” Haktuir Adjuntu Prokuradór Jerál Repúblika (PJR), Pascasio de Rosa ba jornalista sira hafoin remata tomade pose.
Nune’e, nia kompremitidu katak ho toma de posse ohin, ba oin hanesan adjuntu PJR, koeziva (ajuda) PJR iha matéria kontajiozu estadu no mós iha interese koletivu difusos ninian.
“Área espesífika iha kontestu estadu hanesan ita bo’ot sira hatene katak área ida ne’e Adjuntu PJR trata ba iha interese estadu ninian no mós diviza ba iha patrimóniu no propriedade estadu ninian,” dehan nian.
Nia akresenta, estadu ida ne’e hola atividade barak iha kontratuál ninia propriedade ne’ebé presiza defende, ida ne’e hanesan misaun ba iha Ministériu Públiku atu asegura defeza ba iha patrimóniu no estadu nian.
Entertantu tuir dekretu Prezidente Repúblika númeru 38/2023, 16 Maiu, katak, Prezidente Repúblika hetan kompeténsia atu nomeia adjuntu Prokuradór Jerál Repúblika ba mandatu tinan tolu.
Prezidente Repúblika, hafoin rona tiha Konsellu Supremu Ministériu Públiku nian, tuir Artigu 86 alina o) no Artigu 133 Nu. 6 Konstituisaun Repúblika Demokrátika Timor-Leste nian, aneksu ba Artigu 193 n. Lei n. 7/2022 19 Maiu, ne’ebé aprova Estatutu Ministériu Públiku.
1,320 total views, 3 views today
Bele hare Video Seluk :
Subscribe to Timorpost
