DILI (timorpost.com)—Ministériu Edukasaun iha planu estratéjia polítika nian sei konstrui tan 1000 sala de aula iha territóriu nasionál.
Ministra Edukasaun (ME), Dulce de Jesus Soares, hatete, durante monitorizasaun ba eskola iha territóriu nasionál deteta katak iha problema klásiku sira mak sala de aula la sufisiente.
“Ho ida ne’e iha polítika ME nian sei Konstrui 1.000 Sala de Aula Iha territóriu nasionál” haktuir Ministra Edukasaun, Dulce de Jesus Soares ba Jornalista sira hafoin partisipa diskusaun OJE 2024 iha Ministériu Finansas, Tersa-Feira (12/09/2023).
Iha parte hanesan Ministra mós ko’alia kona ba problema merenda eskolár ne’ebé mak durante ne’e aplika ona iha eskola sira iha territóriu nasionál.
“Kona-ba monitorizasaun ba merenda eskolár la’o hela, ha’u mós simu ona relatóriu iha ha’u nia fatin,” nia haktuir.
Nia dehan, parte Komisaun G ne’ebé trata Asuntu Edukasaun Sidadania no Kultura, mós halo verifikasaun, ida ne’e motiva Ministériu Edukasaun nia servisu.
Ministériu Edukasaun iha responsabilidade tomak atu halo monitorizasaun hodi garantia implementasaun ho programa merenda eskolár ho loloos.
“Daudauk ne’e problema klásika ne’ebé identifika iha monitorizasaun maka fatin koziña sei sai problema tanba ne’e iha polítika Ministériu Edukasaun nian sei hadi’a hotu problema sira ne’e iha” hakotu.
1,182 total views, 6 views today
Bele hare Video Seluk :