DILI (timorpost.com) – Asosiasaun TANE Konsumidór (ATK), apresia desizaun husi Nonu Governu Konstitusionál, Kuarta-feira (9/8/2023) hatún taxa importasaun husi porsentu 5% ba porsentu 2,5%.
Desizaun ne’e, bazeia ba kompromisu husi Governu iha Programa IX Governu Konstitusionál, atu hamenus impaktu inflasaun no aumentu kustu vida ba sidadaun sira, hodi aumenta sira-nia podér kompra.
“Desizaun hatún taxa importasaun, bele lori impaktu di’ak ba konsumidór sira, liuliu presu ka folin bele kompetitivu no lori benefísiu ba Konsumidór sira”, Prezidente Tane Konsumidór, Antonio Ramos da Silva ba Timor Post via telefone, Kinta (10/08/2023).
Nune’e, TANE Konsumidór husu ba operadór ekonómika labele espekula ka hasa’e folin arbiru, tanba prejudika konsumidór sira. Seluk ba Governu atu rigor iha kontrolu.
Iha parte seluk, sujere ba Nonu Governu, atu hasa’e produsaun nasionál. Nune’e, bele substitui produtu importasaun sira. Aleinde ne’e, Atualiza Dekretu Lei No.29/2011, 20 Jullu, kona-ba presu justu.
4,676 total views, 3 views today
Bele hare Video Seluk :