DILI (timorpost.com) — Governu da-sia liuhosi Sekretariadu Estadu Formasaun Profisionál no Empregu (SEFOPE), presiza trata traballadór sira ho dignu, nune’e sai lisaun atu aprende tutan ba jerasaun tuir mai.
Eis Sekretáriu Estadu Formasaun Profisionál no Empregu (SEFOPE), Nivio Magalhães, hato’o ba estudante sira hafoin sai oradór prinsipál ba semináriu nasionál ho tema “Hamutuk ho frente urbana ita tau lisuk hanoin ba polítika dezenvolvimentu nasionál, hodi lori moris di’ak ba povu”, ne’ebá realiza iha Salaun Lanine-Larigutu CNE, Kolmera, Sesta (30/06).
“Ita boot sira sei lembra uluk ha’u sai membru Governu, sempre ta’u atensaun ba tratamentu dignu ba traballadór sira, ha’u sempre dehan sira mai buka osan la’ós buka moras”, nia konta.
Regra sira ne’e hatuur iha sistema governasaun Timor-Leste nian, tanba bazeia esperiénsia ne’ebé enfrenta iha tempu pasadu, bainhira sai membru Governu ida iha area traballadór tenke halo buat ruma ba traballadór.
“Ha’u foti esperiénsia uluk servisu ku’u ai-fuan, fase bikan no servisu sira seluk sente ona ema trata, ema hakilar, ne’ebé ida ne’e maka sempre hanesan bukae ida mai ha’u iha fatin ne’ebá tenke halo buat ruma, atu proteje traballadór sira”, nia hateten.
Iha semináriu nasionál ne’e, nia motiva joven, estudante sira atu labele baruk sai voluntáriu buka atu aprende buat hotu-hotu, antes remata estudu iha ona esperiénsia balun hodi sai referénsia ida atu buka servisu iha rai laran.
“Ha’u hanoin buat sira ne’e la fasil, tanba ita loron-loron servisu voluntáriu, ita labele foku de’it ba eskola, maibé buka tempu balun aprende skill sira ne’e”, nia esplika.
Dezde nia tama Governu hanoin ona katak, bainhira haruka Timoroan sira ba servisu iha rai li’ur, pelumenus sira fila-fali mai iha rai laran, atu halo saida. Maibé buat sira ne’e atu realiza joven sira mai fali iha Timor tenke hetan apoiu husi Governu hodi sira bele loke fali esperiénsia sira ne’ebé hetan iha rai li’ur implementa iha rai laran, nune’e fó kampu servisu ba Timoroan sira seluk.
Tanba Timoroan sira ba servisu iha ema nia rain iha ona esperiénsia, ezemplu sira ba ku’u ai-fuan tenke investe setór agrikultura atu traballadór sira ne’e aplika fila-fali esperiénsia ne’ebé sira hetan ona iha rai li’ur.
Bainhira traballadór sira fila mai Timor-Leste labele aumenta fali númeru dezempregu iha rai laran, mais mai kontribui atu hamenus dezempregu iha rai laran ho sira nia esperiénsia ne’e.
1,799 total views, 6 views today
Bele hare Video Seluk :
Subscribe to Timorpost
