DILI (timorpost.com) – Governu Korea liuhosi ninia embaixada iha Timor-leste apoiu fasilidade ba Ministériu Edukasaun (ME) hanesan livru no merenda eskolár ba eskola hotu iha territóriu laran tomak.
“Ami mai enkontru hamutuk ho sua exelénsia Ministra Edukasaun, Dulce Jesus hodi apoiu fasilidade tékniku ba eskola tékniku vokasionál iha territóriu laran inklui apoiu livru ba eskola no mós merenda eskolár ba eskola hotu iha territóriu laran tomak hodi fasilita estudante hotu bele asesu ho di’ak,” informa governu Korea iha Timor-Leste, Ahin Mantaek, hateten ba jornalista sira hafoin termina enkontru hamutuk ho Ministra Edukasaun iha salaun VIP Vila Verde, Segunda (07/08).
Nia esplika, apoiu fasilidade hanesan kadeira no meza ba ME hodi fasilita ME atu fahe ba eskola tékniku vokasionál no apoiu eskola ensinu privadu no públiku hotu iha territóriu laran tomak atu fasilita estudante sira bele asesu ba prosesu aprendizajen iha sala laran.
Tanba governu Korea iha Timor-Leste apoiu ME ne’e dezde tinan barak ona iha area edukasaun nian mak apoiu fasilidade tékniku, area saúde, direitu no daudaun ne’e governu nafatin kontinua apoiu ba ME iha setór edukasaun liuliu fasilidade tékniku no apoiu livru no merenda eskolár.
Aleinde ne’e mós, apoiu sanitáriu ba iha eskola hotu iha territóriu laran tomak hodi fasilita estudante sira uza hodi bele partisipa iha progresu aprendizajen iha sala laran, nune’e mós fasilita formasaun ba manorin na’in sira iha eskola ida-idak.
Iha fatin hanesan, Ministra Edukasaun, Dulce de Jesus Soares, hatete, ekipa ME enkontru ho Embaixadór Korea no KOICA ko’alia kona-ba kooperasaun ho governu Timor-Leste espesialmente iha ME iha setór edukasaun nian liga ba fasilidade esensiál.
Iha tinan 2012 sira apoiu ba sentru infraestrutura boot, mak oras ne’e daudaun kontinua fahe livru sira ne’e ba iha eskola sira iha territóriu tomak.
Tanba ne’e mak ME ho reprezentante governu Korea iha Timor-Leste ko’alia mós kona-ba projetu rua ne’ebé la’o hela, projetu balun mak distribuisaun livre ba eskola sira, no apoiu fasilidade tékniku ba ensinu tékniku vokasionál iha Bekora, maibé embaixadór foti pontu importante ida katak iha ensinu tékniku vokasionál.
Ida ne’e, ME presiza tau matan atu nune’e nia funsionamentu la’o ho loloos, no mós agora ME foti responsabilidade tomak hodi garante katak, apoiu ne’ebé ba iha eskola tékniku vokasionál bele la’o ho di’ak.
Nune’e mós, Nonu governu iha Sekretáriu Estadu ba Ensinu Sekundária no Tékniku Vokasionál, entaun ida ne’e sai hanesan papél ba sekretáriu estadu nian atu garante katak ba iha ensinu sekundária ne’e la’o ho di’ak liu tan.
903 total views, 3 views today
Bele hare Video Seluk :
Subscribe to Timorpost
