DILI, (timorpost.com) — Governu liuhosi Ministériu Juventude, Desportu, Arte no Kultura ( MJDAK), nia Osamentu Jerál Estadu tinan 2024 fó perioridade ba infraestrutura desportiva hodi prepara jogadór sira iha kompetisaun sira tuir mai.
“Ita iha atividade deportiva ne’e iha parte rua, ida mak atividade desportiva komunitáriu Nasionál no mós atividade desportiva ne’ebé orienta ba prestasaun, tanba ne’e ita sei tau perioridade ba infraestrutura desportu ba tinan ida-ne’e”, dehan Ministru MJDAK, Nélio Isaac Sarmento ba jornalista sira iha kna’ar fatin, Sesta, (05/01).
Governante ne’e hatutan, “Ha’u bele dehan tinan ida-ne’e krusiál, tanba ne’e timoroan hotu-hotu ne’ebé mak ateleta katak tinan ba preparativu atu defende ita-nia nasaun iha eventu rua ne’ebé ita hosoru, eventu ida Sea Games iha Tailándia no eventu ida CPLP, entaun saida mak ita sei hahú agora kedas iha tinan ida-ne’e, ita-boot sira mais menus iha inísiu fulan-Feverériu komesa ona iha konsolidasaun hodi prepara atleleta no mós kalendáriu ba kompetisaun Sea Games 2025 nian”.
Aleinde ne’e, Timor-Leste konserta atleleta hotu-hotu iha fatin ida para sira-nia fokus no alterasaun de’it ba iha modalidade sira ne’ebé iha, depois Governu iha obrigasaun atu insentiva alteleta sira durante periodu tinan ida, sira preparativu ba Sea Games 2025 nian.
“Modalidade, ita sei halo avaliasaun iha komisaun nasionál desportu, sei halo desizaun kona-ba modalidade ida ne’ebé no hira mak atu partisipa iha Sea Games, tanba ne’e neste momentu ha’u seidauk bele fó klaru ba ita-boot sira, maibé tanba nu’udar Prezidente komisaun nasionál desportu sei enkontru ho komisáriu sira hotu atu halo diskusaun, estratéjiku oituan hodi fó periridade ba modalidade, ida-ne’e mak bele serve duni atu ba partesipa,” nia afirma.
Governante ne’e informa, modalidade ne’ebé iha la barak maibé modalidade ne’ebé iha natoon, efisiénsia no hanoin katak bele hetan modalidade di’ak iha tinan 2025.(*)
3,141 total views, 3 views today
Bele hare Video Seluk :
Subscribe to Timorpost
