ADVERTISEMENT

FONGTIL Kestiona KRAM Sai Institutu Públiku

Orlando Oqui - Desportu
Jornalista : Mariano Abi
Editor : Orlando Oqui
  • Share
Diretór Ezekutivu FONGTIL, Valentín da Silva Pinto. Foto TP/Joaquina da Silva

DILI—Forum Organizasaun Naun Governamentál Timor-Leste (FONGTIL) kestiona maka’as ba desizaun Konsellu Ministru ne’ebé aprova proposta lei kona-ba Komisaun Reguladór Arte Marsiál (KRAM) sai Institutu Públiku (I.P).

Diretór Ezekutivu FONGTIL, Valentín da Silva Pinto, hatete, Governu presiza halo estudu ida ne’ebé kle’an uitoan, molok formaliza KRAM ida ne’e hanesan Institutu Públiku (I.P) ida.

ADVERTISEMENT
SCROLL FILA BA NOTISIA


Tanba iha tinan 2022 Governu tau osan hodi oferese ba grupu arte marsiais sira hodi harii sira nia sede, ne’ebé koko ida ne’e nafatin jestaun iha SEJD di’ak liu molok haree buat ruma.

Se Governu hanoin katak, organizasaun arte marsiais ida bele kontribui buat ruma hanoin tenke, maibé ba ida ne’e sei la mai ho planu ne’ebé di’ak no sei hatodan despeza Estadu ne’ebé mak la fó vantajen.

Lee Mós :
Atleta Internasionál Kénia Sai Primeiru Lugar iha Eventu DIM

Tanba ne’e, permite Governu halo lai estudu ruma, se sira atu halo ida ne’e karik organizasaun arte marsiais atu halo saida, nia tutela nafatin ba Sekretáriu Estadu Juventude no Desportu (SEJD) ne’ebé sira tenke mai ho estudu ne’ebé di’ak, atu bele bainhira sira forma Institutu Públiku halo buat ruma.

“Agora Governu foti KRAM sai Institutu Públiku ne’e hatodan despeza Estadu, tanba sira seidauk ko’alia abertamente kona-ba planu ida ne’e, no atu sai Institutu Públiku halo saida presiza esplika para ita kompriende atu bele apoiu,” Valentín hateten ba Jornalista sira iha Otél Novu Turizmu, Kinta (09/03).

Lee Mós :
Manny Pacquiao Too ona iha Timor Leste

Tanba instituisaun barak ne’ebé governu halo liuliu Institutu Públiku barak ne’ebé sira halo ema kontinua hamosu preokupasaun barak. Tanba ne’e FONGTIL hanoin presiza estudu ruma tenke ho kle’an, no konsulta hanesan lai atu instituisaun sira ne’ebé governu halo bele kontribui ba mudansa sira.

Tuir FONGTIL nia hanoin husik ba iha tinan hira nia laran mantein lai hanesan diresaun ida iha SEJD nia okos, depois mak bele haree. Maibé tenke mai ho estudu ruma ne’ebé bele konvense públiku.

Antes ne’e, Konsellu Ministru liuhusi ninia reuniaun halo aprovasaun ba regra foun ba grupu arte marsiais iha Timor-Leste no deside mós Komisaun Reguladór Arte Marsiál sai Institutu Públiku, iha reuniaun Konsellu Ministru halo aprovasaun ba projetu proposta lei kona-ba rejime organizasaun no prátika desportiva arte marsiál sira iha Timor-Leste.

Lee Mós :
MJDAK Seidauk Simu Informasaun Husi Rezultadu Jogu Asian Games 2023

“Konsellu Ministru aprova proposta lei ida kona-ba rejime organizasaun no prátika desportiva ba arte marsiais sira. Entaun lei ida ne’e halo saida? Sei hasai tiha lei númeru 5 ida komponente iha lei armas Branka kona-ba prátika arte marsiais, tau fali lei foun, sei introdús komponente importante rua ka tolu, proposta lei ne’e sei lori mudansa boot,” Ministru Prezidénsia Konsellu Ministru, Fidelis Manuel Leite Magalhães, hateten hafoin reuniaun KM iha Palasiu Governu, Kuarta (08/03).

 1,347 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “FONGTIL Kestiona KRAM Sai Institutu Públiku” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No