DILI (timorpost.com) – Apostuladu na’in-14 husi Munisípiu Ermera Gleno mai partisipa Santa Missa ne’ebé selebra hosi Dom Virgílio Kardeál do Carmo da Silva, SBD, iha Tasi-tolu.
Apostulada husi Munisípiu Ermera, Olinda Rosa, hatete maski nia ho idade avasandu, maibé nia tenke mai partisipa selebrasaun Misa Agradesimentu iha Tasi-tolu, tanba misa ne’e importante tebes-tebes ba sarani katólika.
“Ha’u sente kontente no orgullu los, tanba ita-nia Amu Dom Virgílio do Carmo da Silva, hetan tan Kardeál, tanba dezde tinan barak ona ita foin primeira vés” nia hateten ba Media Online Timor Post, hafoin partisipa misa agradesimentu ne’e iha Tasitolu, Tersa (06/09).
Nia dehan, objetivu husi Ermera mai atu partisipa misa agradesimentu, atu simu bensaun husi Dom Virgílio Kardeál do Carmo da Silva, SBD.
“Ami apostuladu husi Munisípiu Gleno Ermera mai ho Padre Parókia Glenu nian, atu mai partisipa selebrasaun Misa Agradesimentu ba Dom Virgílio Kardeál do Carmo da Silva, SBD,” nia hakotu.
1,853 total views, 3 views today
