DILI–Padre Vigariu Igreja Parokia Sagrada Coração de Jesus Bekora, Helio da costa Nunes, iha omilia hatete Kinta Feira Santa, atu reflete Jesus nia han kalan ikus ho apostulu sira.
Nia hatete loron Kinta -Feira Santa atu hanoin Jesus nia moris no mate.
“Kinta-Feira Santa, ita sei reflete hamutuk kona-ba Nai Jesus nia han kalan ikus hamutuk ho nia eskolante sira, liuhusi han kalan hamutuk nee mk Nain Jesus funda ho hari hela mai ita sakramentu buat rua, sakramentu eukarestia no sakramentu orden,” dehan padre Helio nia omelia Kinta Feira Santa, Kalan, Bekora (06/04).
Padre Helio hatutan tan iha nia Omelia, liuhusi sakramentu buat ru nee, hatudu katak, liuhusi sakramentu rua nee hatudu katak Jesus nia presenza no hamutuk Nafatin ho sarani ida-idak.
“Ohin iha ita nia premeiru leitura foti husi livru ejulu nian, haktur mak ita kona ba Nain Maromak kontinua eduka non fo hanoin nafatin ba povu no judeu sira, atu kontinua selebra festa paskua hodi hasae sakrifisiu bibi oan nia ran kose iha odamatan, hodi nunee hanoin nafatin sira nia Istoria salvasaun neebe maromak rasik liverta sira,” dehan nia.
Nunee mos iha evajello Sao Joao evanjelista haktuir Jesus Rasik selebra festa paskua nee hamutuk ho nia apostulu sira, maibe nia lalaok la hanesan ona ho kultura judeu sira nian, neebe oho no hasai bibi oan nia ran no kose iha odamatan, deiferente tanba jesus rasik hasai nian an nuudar bibi atan ho nia ran rasik atu kasu ema tomak iha mundu nia salan.
” iha kalan ida nee nain Jesus hatudu Jestu no simbolika rua importante ba apostulu sira atu kontinua nati tuir no mos mai ita hotu, Primeiru Jesus mai han hamutuk, han hamutuk ida nee laos han hamutuk bain-bain, maibe han hamutuk nee lori sentidu klean tebes ba apostulu sira no ba ita hotu iha Mundu tomak.
Nia dehan, liuhusi han hamutuk nee lori salvasaun ba Mundu tomak liuhusi Nain Jesus rasik mak fo nia isin no ran los no liu husi paun no tua neebe mai husi ema nia kosar wen no mai husi ema nia kolen. Paun no tua nee hatudu katak nain Jesus Hamutuk Nafatin ho sarani sira ida-idak no mos ai han neebe bele lori moris rohan laek.
“Laos too iha nee deit, maibe Jesus husu mos han hamutuk ida nee kontinua nafatin, ida nee mak ita kontinua nafatin liuhusi selebrasaun eukarestia santa Liuhusi eukaresti santa nee lori ita agradese ba Maromak domin mai ita la iha rohan, hafoun nafatin ita nia moris no lori ita ba hetan moris roha laek.
Nianl dehan, Jestu segundu mak fase apostulu sira nian ain hanesan ohin asisti hamutuk iha ne’e, tuir tradisaun ema Judeu sira nian iha serimonia hamutuk ema ida-idak tenke fase rasik nia ain, molok tama ba han hamutuk, maibe ida unika no diferente tebes-tebes ho koltura Judeu sira nian, tanba Jesus rasik ho inisiativa rasik haraik an hodi fase apostulu ida-idak nian ain.
Tanba nee, iha apostu sira nia matan no hanoin Jesus nee ema mestre boot no Nain Maromak nia oan, maibe sira admira tanba Jesus maske mestre no maske nain, maibe haraik an fase sira nia ain. Jesuz hakarak halo ida nee atu dehan katak apostu sira importante no folin boot tebes iha Jesus nia matan, Jesus hatudu domin ida nee, la diskrimnaaaun entre ema kiik no boot no entre atan no Nain no entre atan no mestre.
“Domin neebe lolos no domin neebe servir malu nudar maun no alin Sira neebe mak jesus fase nia ain, jesus fase ain atu dehan katak jesus prepara an atu ba, nunee sira neebe Jesus fase sira nia ain, jesus ba uluk hamutuk ho Aman Maromak sira neebe Jesus fase nia ain sei tuir mos ba hamutuk ho Aman Maromak. Ita hotu Jesus fase ita ain, nunee ita mos Ba hamutuk ho Maromak.
Liturjia kinta feira santa, hakarak husik hela mesajen rua importante, primeira eukaretia mak paun ho tua neebe hatudu presenxa real kristu nia futar isin no ran lolos, neebe sai nuudar ai han lori moris rohan no segundu Jesus husik hela mandamentu de Amor, ukun fuan domin partika domin laos liafuan jesto no jesus lao diakursu naruk-naruk kona ba Domin, maibe ohin Jesus hatudu domin neebe mak konkreta liuhusi fase apostu sira nian ain no mos fase mos ema ida-idak nia fuan neebe nakoru ho odiu ho laran noras nakonu koalia malu no hatun malu, atu ita hadomi malu lolos ho liafua.
2,627 total views, 6 views today
Bele hare Video Seluk :
Subscribe to Timorpost
