Dili(timorpost.com)-Xefe Governu Kay Rala Xanana Gusmão ho delegasaun too horseik too ona iha Oekusi iha oras ruku 3 lorokraik oras Timor Leste.
Delegasaun to iha fronteira sakato simu direta hosi parade militar hosi polisia UPF Lidera hosi Komandante UPF, Superintendente Polisia Euclides da Costa Belo hodi aprezenta situasaun seguransa kontroladu ho kooperasaun TNI.
Tuir informasaun nebe asesu hosi midia GPM vizita xanana ho delegasaun nee hetan antuziasmu makas hosi komunidade sira
Lia na’in hosi Suku Bobometo, Postu Oesilo, hamutuk ho populasau inklui autoridade, igreja sira.
Ba komunidade sira, Xefe Governu husu ba populasaun Oe-Cusse tomak liu-liu hirak ne’ebé hela iha liña fronteira, Naktuka Postu Nitibe atu tuur hakmatek lalika paniku ho rumoris kona-ba polemika fronteira terrestre, tanba Estadu Timor-Leste no Indonézia sei fó solusaun ne’ebé di’ak.
“𝐈𝐦𝐢 𝐡𝐨𝐭𝐮 𝐝𝐢’𝐚𝐤 𝐤𝐚𝐥𝐚𝐞?, 𝐢𝐦𝐢 𝐡𝐚𝐤𝐦𝐚𝐭𝐞𝐤 𝐧𝐚𝐟𝐚𝐭𝐢𝐧, 𝐚𝐦𝐢 𝐦𝐚𝐢 𝐚𝐭𝐮 𝐢𝐭𝐚 𝐡𝐚𝐦𝐮𝐭𝐮𝐤 𝐥𝐨𝐫𝐢 𝐦𝐮𝐝𝐚𝐧𝐬𝐚 𝐛𝐚 𝐡𝐨𝐭𝐮 𝐦o𝐬 𝐛𝐞𝐥𝐞 𝐬𝐞𝐧𝐭𝐞 𝐢𝐡𝐚 𝐫𝐚𝐢 𝐢𝐝𝐚 𝐧𝐞’𝐞, 𝐢𝐭𝐚 𝐡𝐨𝐭𝐮 𝐧𝐢𝐚𝐧, 𝐡𝐚’𝐮 𝐛𝐚 𝐨𝐧𝐚 𝐉𝐚𝐤𝐚𝐫𝐭𝐚 𝐤𝐨’𝐚𝐥𝐢𝐚 𝐡𝐨 𝐏𝐫𝐞𝐳𝐢𝐝𝐞𝐧𝐭𝐞 𝐉𝐨𝐤𝐨𝐰𝐢 𝐩𝐚𝐫𝐚 𝐢𝐭𝐚 𝐡𝐚𝐤𝐮𝐭𝐮 𝐢𝐡𝐚 𝐩𝐫𝐨𝐛𝐥𝐞𝐦𝐚 𝐧𝐞’𝐞 𝐡𝐨 𝐝𝐢’𝐚𝐤,” dehan PM Xanana.
Tuir ajenda, vizita iha loron tersa-feira, (31/01/24), dader, Primeiru-Ministru Xanana sei hala’o ekontru ho autoridade RAEOA nian tomak hodi introdus programa governu nian no esplika nomeasaun ba autoridade RAEOA foun ne’ebé Konsellu-Ministu deside ona.
Iha loron kuarta-feira 31 Janeiru 2024, Primeiru-Ministru Xanana sei fó posse ba Rogério Tiago Lobato hanesan Prezidente Autoridade RAEOA no João Mendes Gonçalves hanesan Koordenadór Komisaun, enkuantu dezigna Régio da Cruz Salu no Herculano de Sousa hanesan Vise-Koordenadór no estrutura sira hanesan, André Lao, hanesan Sekretáriu Rejionál ba Administrasaun, Elvira Manat, hanesan Sekretáriu Rejionál ba Finansas, Luís de Jesus Neno, hanesan Sekretáriu Rejionál ba Saúde,Inácia Tamele, hanesan Sekretária Rejionál ba Edukasaun no Asuntus Sosiais,
Filomena Sila, hanesan Sekretária Rejionál ba Agrikultura, no Marcelino Marques Coro, hanesan Sekretáriu Rejionál ba Terras no Propriedades, Rejistu no Notariadu.
Estrutura hirak ne’e ho mandatu tinan lima ho misaun prinsipál atu superviziona atividade sira desentralizasaun nian, eduka no mobiliza populasaun lokál ba envolvimentu konxiente ida iha dezenvolvimentu ekonómiku Enklave Oe-Cussi Ambenu nian.
1,143 total views, 3 views today
Bele hare Video Seluk :
Subscribe to Timorpost
