DILI ( timorpost.com)– Prezidente Autoridade Rejiaun Administrativu Espesial Oé-Cusse Ambeno, RAEOA-Zona Ekonomia Sosial no Merkadu ZEES-TL, Arsenio Paixão Bano, Kuarta-Feira (20/09/2023) inaugura Ponte Bitopa iha Suku Usitasa’e, Sub-rejiaun Oé-silo, hodi fasilita movimentu transporte no ema hosi Sub-rejiaun Oé-silo, Passabe no Nitibe.
“Ohin ita inaugura ponte ida, importante ba komunidade sub-rejiaun tolu atu asesu, liuliu hodi transporte produtu local, husi area rurl ba merkadu sira, “ PA Arsenio dehan.
Tuir informasaun ne’ebe Timor Post.com asesu liuhusi pajina ofisiál ZEEMS-TL, Kinta (21/09/2023), hateten, servisu na’in ba konsrusaun Ponte Bitopa, maihusi Oecusse oan rasik, hetan monitorizasaun hosi tékniku Diresaun Rejional Infraestrutura no traballadór sira.
“Ha’u fiar katak ponte ne’e sei sai di’ak. Ponte sei liga ho zona sentrál liga ho suku Bobometo no suku Usitasa’e, Sub-rejiaun Oésilo liu tan ba sub-rejiaun Nitibe, no Passabe,”
Durante, Mota Bitopa sai problema boot ba movimentu yransorte no ema, bainhiura bee-boot sulin iha tempu udan.
Governu Rejiaun Oe-cusse Ambeno agradese ba komunidade sira iha Usitasa’e, ne’ebéoferese sira nia rai, hodi konstrui ponte ne’e.
Iha fatin hanesan, Xefe Aldeia Buqui, Simão Quelo, lori komunidade sira sente orgullu ba prezensa ponte ne’e, no agradese ba Governu RAEOA.
“Agradese ba Prezidente RAEOA ho esforsu tomak, bele finaliza ponte ne’e para komunidade sira la’o ba merkadu ho seguru,” Xefe Aldeia Buqui, Simão Quelo hateten.
Ponte Bitopa konstrui husi kompañia Am-Lhichoe Unipesoal.Lda ho valór osan dollar Amerikanu rihun 406.945.00 USD, hosi orsamentu Jeral estadu (OJE) 2022.
Partisipante mos serimonia inaugurasaun Ponte Bitopa ne’e, Sekretáriu Rejionál Adjuntu Prezidente Autoridade Asuntu Sosiais, Maximiano Neno, Diretór Rejionál sira, Autoridade Lokál inklui komunidade sira.
648 total views, 6 views today
Bele hare Video Seluk :
Subscribe to Timorpost
