DILI (TimorPost.com) Prezidente Republika (PR) Jose Ramos Horta, ba Jakarta hodi sai Orador bainaka iha Dialogu Demokrasia Jakarta Post loron 7 agostu 2023.
Prezidente Republika (PR) Jose Ramos Horta, halao Vizita servisu privadu nian ba Jakarta, iha loron 5 fulan Agostu too 8 agostu 2023.
Prezidente Ramos-Horta sei sai oradór-bainaka iha Diálogu Demokrasia “Jakarta Post” iha loron 07 Agostu tinan 2023, hanesan parte hosi komemorasaun Aniversáriu da-40 hosi “Jakarta Post,”sita iha timorpost huai komunikadu Imprensa, Sabadu (05/08).
“Jakarta Post” sai ona nu’udar defensór ne’ebé metin kona-ba liberdade imprensa iha Indonézia no nasaun seluk.
“Diálogu Demokrasia” sei foka ba ambiente demokrasia iha Sudeste Aziátiku, ne’ebé kobre kestaun sira hanesan dezenvolvimentu ekonómiku no papél liberdade imprensa hodi mantein demokrasia.
Prezidente Timor-Leste no Laureadu Nobel Pás, J. Ramos-Horta, sei partilla ninia esforsu rasik hodi hametin demokrasia iha Timor-Leste no nasaun seluk.
Timor-Leste país joven ida maibé moris buras entre país Ázia-Pasífiku hodi alkansa topu- sanulu índise liberdade imprensa mundiál iha 2023.
771 total views, 3 views today
Bele hare Video Seluk :
Subscribe to Timorpost
