DILI, (timorpost.com)— Prezidente Autoridade Reijaun Administrativu Espesial Oekusi Ambeno (PA RAEOA), Rogerio Lobato hatete Aviaun Aero Dili subtitui Aviaun Espesiál Ekonomika Sosial Merkadu (ZEEM), laos jogu Politiku.
“Hau hakarak hatete Aviaun Aero Dili subtitui aviaun ZEEMS laiha jogu polítiku, tanba saida mak nia privadu no nia Timoroan nia labele semo ba Oekusse, nia bele semo ba Oekusse, nia bele semo ba Baukau, ba iha fatin ne’ebé de’it iha aeroportu ida ne’ebé kondisaun di’ak nia bele semo. “Se Lorenco oferese nia aviaun ne’e atu la halakon konektividade entre Oekusse ho Dili tanba saida mak tenke taka odamatan ba ida ne’e, ne’e la’os jogu polítiku iha ne’e, ha’u dehan ema ida ho laran bo’ot,” nia dehan.
PA RAEOA ne’e hatete, bainhira ko’alia kona-ba saláriu, foin hasa’e de’it saláriu uitoan ba Timoroan oan ida, sira ko’alia, protesta,. maibé, sira la protesta saláriu ida ba injeneru ida mai husi Canada fulan-fulan $23 mill dollar, pilotu ida manán fulan-fulan $29 mill dollar durante tinan 10.
“Maibé, ita nia Timoroan kuandu nia simu de’it $300 dollar dehan ne’e woi osan ne’e sa’e tebe-tebes buat sira ne’e tenke haree mós ba kazu, tenke defende Timoroan sira, tanba ema mai husi rai li’ur sira ne’e mak matenek no sira ne’e mak bele halo buat hotu la’e.
Aleide nia dehan, hapara aviaun ZEEMS ne’e ,tanba estadu gasta tiha osan 7 milaun ba sosan Avizaun, maibe too tiha iha ne’e, Timor uza fali operador husi Canada para atu opera aviaun ne’e, fulan-fulan Timor tenke selu operador Canada ne’e ho montante 150 miil dolar, reseita la tama, reseita ne’e masimu iha tinan 10 ne’e, Timor hetan reseita ne’e 4 miiloes, maibe despeza ne’e boot liu reseitas, 26 miiloes dolares ne’ebe tama mai kofre estadu nian.
“Fulan-fulan seluk150 mil para atu halo aviaun ne’e semo, ida ne’e buat uda kee la kabe iha ami nia ulun, mak ami haruka para aviaun ZEEMS ne’e, hau apresenta proposta ba Primeiru Ministru ,Primeiru Ministru hare katak halo balansu entre despeza ho reseita la venifisia ba RAEOA, entaun lori kazu ba konsellu ministrus no konsellu ministrus maka halo desizaun kona va hapara aviaun, tanba ne’e konsellu Ministrus halo rezoluisaun ida aviaun ne’e la semo,” katak nain.
Maibe, ohin dader Prezidente autoridade RAEOA ho Ministru transportes ba too iha fatin aviaun ZEEM para ba.
“Ami dehan katak aviaun para ona, maibe ami tenke asegura konektividade, liga entre Dili ho Oekuse ne’e tenke iha nafatin, ne’e ita subtitui aviaun Aero Dili atu semo semana dala rua husi Dili ba Oekuse ba mai, ne’e para la bele lakon konektividade entre Dili ho Oekuse, tanba oras ne’e investor barak komesa ba mai Oekuse,” Hakotu.
630 total views, 3 views today
Bele hare Video Seluk :
Subscribe to Timorpost
