DILI (Timorpost.com) Sekretáriu Ezekutivu Partidu Demokrátiku (PD), Jacinto Barros, hatete sira prepara ona lista kandidatu hamutuk ema na’in-25 ba deputadu no ministru iha eleisaun parlamentár 2023-2027.
“Ami hili ona ami nia ema hamutuk 25 hodi kandidata ba deputadu ka ministru bainhira partidu refere hetan kadeira iha parlamentu nasionál hodi ukun tinan lima nia laran”, nia hateten ba Timor Post via telefone, Sábadu (08/04/2023).
Nia dehan, PD iha ona planu, bainhira ba ukun sei hadi’a povu nia moris, hamenus dezempregu iha rai laran no hasae reseita ba kofre estadu.
Nia dehan, lista kandidatu ne’e hatama ona ba tribunal rekursu, maibé sei aumenta to’o kandidatu 65 ba iha parlamentu.
“Ha’u fiar katak, partidu sei hetan kadeira 15 iha eleisaun parlamentár tanba daudaun halo ona konsolidasaun iha terrenu hodi hato’o programa no planu partidu nian ba militante no simpatizante sira iha territóriu laran tomak”, nia garante.
Portantu tuir nia katak, partidu refere daudaun ne’e preparadu hodi halo konsolidasaun iha nivel nasionál no nivel urbana hodi hato’o programa, misaun no vizaun partidu nian durante tinan lima nia laran ba partisipante sira.
Tuir oráriu partidu nian sei halo kampaña dahuluk iha munisípiu Bobonaru, Postu Administrativu Maliana iha loron 21 remata, kontinua kedas iha munisípiu Likisá lokraik.
Alende ne’e, sei kontinua fali halo kampaña iha munisípiu Baukau, Vikeke, Lospalos no kontinua ba munisípiu sira seluk.
Portantu tuir oráriu PD nian halo kampaña iha munisípiu 14 no mós halo diálogu iha Postu Administrativu no Suku hodi hato’o programa no planu partidu nian ba militante no simpatizante.
Tempu ba Ukun
Iha eleisaun parlamentár tinan ne’e, tempu ona ba Partidu Demokrátiku (PD) atu ba ukun, hodi halo mudansa iha nasaun ne’e.
Tanba ne’e, Prezidente Partidu Demokrátiku, Mari ano Assanami Sabino, husu ba inan aman no juventude tomak iha territóriu na- sionál, atu vota ba númeru sorteiu-4, iha loron 21 fulan Maiu, hodi halo mudansa ba rai ne’e.
Estadu Timor-Leste presiza povu nia fiar no konfiansa, tanba Timor-Leste atu tama ba ASEAN, presiza nasaun ida ne’ebé forte, nune’e husu ba povu hothotu, atu fó konfiansa ba PD ukun, hodi halo mudansa.
“Ita-nia partidu PD durante nia postura sempre apresia, foti aas lider no partidu polítiku hothotu, tanba ne’e husu ba povu katak, ita prontu ona atu ba ukun iha eleisaun parlamentár tinan 2023-2028”, Assanami hateten liuhusi atividade konsolidasaun PD nian iha Auhun Bekora, Domingu (09/04/2023).
Nia dehan, juventude no inan aman iha territóriu laran tomak, tenke termina partidu ida ne’ebé mak nia programa di’ak liu, hodi hili partidu ne’e atu halo mudansa sosiál ba moris dignu populasaun nian.
PD promete sei kria programa lubuk ba povu hothotu iha territóriu laran tomak, atu Estadu ne’e bele sai karakter joven, para atu iha forsa hodi halo mudansa nasionál ba dezenvolvimentu.
Partidu Demokrátiku sei kria pro grama bar ak hodi unifika forsa timo- rense, atu nune’e nasaun bele forsa liután, hodi kompete ho nasaun ne’ebé iha ASEAN nia laran, tanba ne’e husu ba povu tomak, keta haluha vota númeru 4, ne’ebé reprezenta ai riin haat Estadu nian, no sai hanesan doutór atu bele kura moras polítiku no ekonómiku iha rai laran.
Partidu PD la’ós partidu foun, tanba ne’e konaba barreira porsentu haat garante sei liu, no la’ós hanoin de’it oinsá ultrapasa barreira, maibé partidu atu halo mudansa, tanba úniku partidu iha Timor-Leste bele hakotu konflitu mak PD, maibé nia forsa mak inan aman no juventude timoroan tomak.
“Husu ba povu tomak, PD manan, FRETILIN, CNRT, PLP no KHUNTO nia esperansa, tan- ba durante ne’e ita suporta ona sira, nune’e tempu ona ita husu sira atu ajuda ita, tanba ne’e mai ita hamutuk vota PD, hodi reforsa no fortalese Estadu, hodi estadu bele la’o ba oin, moris ho pas no estabilidade nia laran”, nia afirma.
Iha fatin hanesan, militante Partidu Demokrátiku, João da Silva, alias João Choque, hatete PD sei la mout iha eleisaun parlamentár tinan ne’e, tanba PD nia forsa mak inan aman no joventude sira.
“Ha’u fiar katak Partidu Demokrátiku sei liu barreira no aumenta kadeira, tanba ami fiar povu no inan aman sira mak sei deside hamutuk iha loron 21 fulan Maiu tinan ne’e” nia garante.
Tuir Choque, Timor Leste ukun an tinan 20 resin ona, PD hamriik hanesan partidu ida ne’ebé ho konfiansa baze médiu tebetebes, tanba ne’e sei la mout no sei liu barreira porsentu 4, inklui aumenta kadeira ba ukun hodi halo mudansa.
2,523 total views, 3 views today
Bele hare Video Seluk :