DILI, (timorpost.com)— Prezidente Repúblika (PR), José Ramos Horta, hatete la iha evidénsia ida mak hatudu katak mane matenek liu feto, maibé iha evidénsia hatudu pelu kontráriu feto mak matenek liu mane.
Prezidente Repúblika, José Ramos Horta, hato’o asuntu ne’e iha ámbitu selebrasaun aniversáriu PNTL ba dala-24 iha Kuartel Unidade Espesiál Polísia (UEP) Bairu-Pite, Kuarta (27/03).
“Feto reprsenta 50% iha Timor-Leste, iha tinan rihun rua nia-laran laiha evidénsia mane matenek liu feto, maibé iha evidénsia hatudu kontráriu feto matene liu mane”, Xefe Estadu hatete.
Tanba ne’e, Xefe Estadu nia haree katak la’os de’it iha polísia maibé iha forsa armada no iha setór polítika atu fó fatin liután ba feto.
“Ha’u sempre hatete beibeik, tenke mobiliza liután no loke odamatan liután ba partispasaun feto iha ita-nia polísia no sosieadade”, dehan Horta.(*)
1,992 total views, 3 views today
Bele hare Video Seluk :