DILI (timorpost.com)—Ekipa Konjuntu husi Diresaun Nasionál Transporte Terestre (DNTT) ho Polisia Nasionál Timor-Leste (PNTL) liuhusi tránzitu rodaviaria sei la tolera motorista sira tula pasajeiru liu kapasidade transporte nian iha loron boot.
Diretór Interinu Diresaun Nasionál Transporte Terestre (DNTT), Nelson Sequeira Martins, hatete, la kleur tan sei tama ba loron boot selebrasaun loron Natal no Tinan foun husu ba motorista sira atu tula pasajeiru tuir kapasidade transporte nian.
“Hakarak fó hatene ba motorista sira, ita boot sira tenke ser kumpre regra ne’ebé estabelese ona iha ita boot sira karta license hanesan Bus ita boot sira sei tulan 24 pesoa la bele liu husi ne’e, nune’e mós ba mikrolete no angguna ki’ik tula pasajeiru ho 12 pesoas, tuir númeru ne’ebé diresaun Nasionál Transporte Terestre estabelese ona iha ita boot sira nia licensa trajeitu,” dehan Nelson Sequeira Martins ba jornalista sira liuhusi konferénsia imprensa edifísiu Diresaun Nasionál Transporte Terestre ( DNTT) Balide, Kinta (21/12).
Nia haktuir, bainhira motorista sira la kumpre regra mak sei iha sansaun rigorozu ba sira.
“Bainhira ita boot sira viola nia konsekuénsia mak ita nia polisia tranzitu sei hola medida tuir regra ne’ebé mak estabelese ona iha ita nian kódigu estrada artigu 6/2023,” katak nian.
Diretór ne’e haktuir, daudauk ne’e DNTT estabelese ona funsionáriu sira iha kada terminal, ne’ebé ba oin sira sei koopera no servisu hamutuk ho Polisia hodi hare motorista sira tula pasajeiru liga ho loron boot Natal ho Tinan foun.
1,026 total views, 3 views today
Bele hare Video Seluk :
Subscribe to Timorpost
