Poetiza Alexandra Tilman
Iha fatin ha´u hamriik ba…
Iha fatin ha´u hiit-an ba…
Ha´u haree borus emar matan wa´in, kakutak wa´in
Haree borus ha´u oin, ha´u jestu no ha´u-ain fatin.
Iha fatin ha´u hamriik ba…
Iha fatin ha´u loko-an ba…
Emar wa´in see tilun no so´e biban baluk
Hodi rona ha´u lian osan mean
Tuir labarik dalan ninin nia kakutak.
Iha fatin ne´e ha´u hateke, husi lidun ba libun
Ibun tutun wa´in la hakmatek hodi fakar kakutak foer ba malu
Katak sira duni mak bele, ema seluk laek
Katak sira mak sidade oan, ema seluk foho oan
Katak sira mak liurai ema seluk la´o rai
Katak sira mak matenek hun no rohan ema seluk blár.
Katutak…
Kakutak…
Kakutak…
Hei kakutak foer be kahoer
Ó loer haluha-an katak ´´Ha´u sé?, nia sé?, sira sé?
No ami lubuk ne´e sé loos?
Hei kakutak kahoer…
Muda ó kakutak be kahoer ba
Hatene ó-an ba katak
Ita mai husi dalan ninin be kahoer
Ita mai husi beik no sala
Ita mai husi mukit no ki´ak
Ita mai husi terus no susar
No ita mai husi S3 no mata-ween.
762 total views, 3 views today
Oinsa Ita nia Reaksaun iha Notisia Nee?
Bele hare Video Seluk :
1
/
1949
TENKE REKRUTA JERASAUN FOUN REFORSA BOMBEIROS
ASANAMI HUSU TENKE APOIU BOMBEIROS
ASANAMI: ONRA BA TIMOR LESTE SELEBRA REVOLUÇÃO DOS CRAVOS BA DALA-50
1
/
1949