DILI-Xefe Suku Bebonuk, Serafin Macedo, hatete iha nia suku preparadu hodi partisipa eleisaun parlamentar ne’ebé sei akontese iha loron 21 fulan Maiu tinan ida ne’e
“Iha fulan hirak liu ba STAE halo ona nia reajustamentu kartaun eleitoral, kuaze komunidade barak maka eleitoral husi foho nian no balun husi suku komoro halo transferensia ba kartaun eleitorál” dehan autoriedade lokal iha nia kna’ar fatin, Kinta (11/05)
“Ita tinan lima sempre selebra festa demokrasia ne’ebé maka ema hotu hein, entaun preparasun ne’ebé mak Ita iha, hanesan mobiliza ona komunidade sira ne’ebé eleitoral sedauk iha,”
Nune’e votantes iha suku ne’e kuaze 6 mil ital, inklui dadus balun ne’ebe foin lalais ami hasai tamba mate nune’e total daudaun besik 6 mil eleitores”
Ninia suku iha votante rihun nee (6000) atu bele partisipa votasaun hotu, husu partidu politiku sira tamba aviza militante, apoiante no simpatizante nune’e bele partisipa iha eleisaun ne’e hodi hasa’e taxa partisipasaun .
Autoridade lokal ne’e aumenta, durante ne’e halo preparasaun ho STAE hodi identifika fatin ba sentru votasaun iha suku refere.
“Ami mós halo preparsaun ho brigada sira husi STAE ne’ebé destaka iha sentru votasaun ha’at ne’ebé mak uluk tinan lima liu ba iha sentru votasaun tolu de’it, hanesan sentru votasaun SD tinkat, sentru Salon, no aumenta tan sentru ida iha eis sede suku iha fahu laran aldeia Metin Kuatru no tinan ne’e loke tan sentru ida iha aldeia 20 setembru” xefe suku ne’e relata.
Xefe suku ne’e garante sentru votasaun ha’at ne’e bele fasilita liutan komunidade sira atu partispa iha eleisaun parlamentar ne’e.
“Husi sentru votasaun ha’at ne’e ha’u hanoin katak komunidade sira ne’ebé maka uluk sente la’o dook sira bele ona partisipa iha festa demokrasia ne’e, entaun ita nia haree katak taxa partisipasaun sei sa’e tan” nia afirma
Tuir Xefe suku Bebonuk haree katak husi sentru votasaun SD tinkat iha estasaun ha’at, sentru votasaun Metin kuatru iha estasaun rua, sentru votasaun salom iha estasaun ha’at, no sentru votasaun eskola rainha da paz dala ruma hetan estasaun tolu, ne’e garante sufisiente ona.
Entretantu nia relata, iha sentru votasaun kada estasaun poling staff ema na’in sanulu (10) , hamutuk ho brigada ema na’in ida.
2,166 total views, 18 views today
Bele hare Video Seluk :
Subscribe to Timorpost
