DILI (Timor Post.com)—Relasiona Nuno-Governu Konstitusionál halo alterasaun ba dekretu lei Nú. 3/2014, no lei konstituisaun artigu, 5 ho 71 kona-ba Zona Espesiál Ekonomia Sosiál Merkadu (ZEESM), komunidade RAEOA husu atu muda mak estrutura Autoridade la’ós ZEESM.
Reprezentante komunidade RAEOA, Rui Manuel hatete, objetivu governu halo alterasaun ba lei refere, signifika atu hamate lala’ok kriasaun polítika Oe-Cusse no Atauru, nu’udar administrasaun espesiál ida iha Timor-Leste.
“Ami komunidade Oe-Cusse oan, lamenta tebes ho polítika governu, atu halo alterasaun ba ZEESM, maibé karik rona ami nia lian, ami komunidade RAEOA hakarak mak muda estrutura autoridade nian, maibé ZEESM ne’e nafatin.” Reprezentante Komunidade Atoni Oe-Cusse oan, Rui Manuel da Costa ba Jornalista sira iha PN, Tersa-feira (24/10/2023).
Nia dehan, ami ezije ida ne’e, tanba bazeia ba lei konstituisaun artigu 48, sidadaun ida idak iha direitu, atu defende direitu tuir lei haruka.
“Nune’e ami komunidade husu ba autoridade relevante katak alterasaun ba lei Nú. 3/2014 kona-ba polítika Administrativa Espesiál ne’ebé aprova iha PN ho votu unanimidade mantein nafatin tu’ir lei vijente”. Nia haktuir.
Tanba Oe-Cusse tantu Atauru nia estátutu konsagra kedas iha konstituisaun artigu 5 no 71, katak nia tenke sai fatin Rejiaun Administrativa Espesiál Oe-Cusse Ambenu (RAEOA) ho ekonómiku Espesiál iha Timor Leste.
“Ami husu ba Governu, liuliu PPN, PM atu labele halo alterasaun ba lei vijente, maibé ami hakarak mantein nafatin, hodi komunidade Oe-Cusse bele goza nia estatu ZEESM, no Governu hakarak halo alterasaun ho estrutura ba Autoridade RAEOA nian, duke altera lei Nú. 3/2014.” Nia rekomenda.
Entretantu Konsellu Juventude Oe-Cusse, Antonio Marques de Araújo afirma, Komunidade Atoni Oe-Cusse husu governu atu suspende altersaun ba lei vijente, no halo uluk konsultasaun ba povu Atoni nia opiniaun, antes halo mudansa ZEESM,
Tanba dekretu lei Nú. 3/2014 ba polítika Administrativa espesiál ne’e aprova iha Parlamentu Nasionál, ho votu unanimidade.
“Ami husu ba governu bele halo alterasaun ba estrutura RAEOA no ZEESM Timor Leste atuál, maibé labele halo mudansa ba lei vijente ne’ebé fó prioridade ekonómiku administrativa espesiál Oe-Cusse, maibé prosesu ne’e mak avansa nafatin, ami sei hasoru ho manifestasaun ka debate legal tuir lei haruka.” Konsellu Juventude Antonio Marques hateten
837 total views, 3 views today
Bele hare Video Seluk :
Subscribe to Timorpost
