DILI (timorpost.com)—Hahú fulan Janeiru to’o Agostu tinan 2023, Sentru Saúde Formoza (CSF) rejista pasiente maternidade hamutuk na’in 280 no husi númeru ne’e bebé nain-5 mak mate iha inan nia kanotak.
“Durante fulan Janeiru to’o Agostu ita rejista pasiente maternidade hamutuk 280 husi númeru ne’e bebé nain-5 mak mate iha inan nia kanotak no na’in 275 moris ho kondisaun di’ak tantu feto no mane”, Xefe maternidade SSK Formoza, Abrilia Martins, dehan ba jornalista Timor Post iha Sentru Formosa, Tersa (15/08).
Nia hatete, durante fulan Janeiru to’o Agostu inan isin rua, na’in-2 mak halo transferénsia ba Hospital Nasionál Guido Valadares (HNGV) hodi halo tratamentu iha ne’ebá, tanba iha ne’ebá mak fasilidade kompletu.
Area Sentru Saude Formoza simu hotu pasiente sira hosi area sira seluk.
“Tanba ne’e fatin la dun sufisiente ba inan isin rua sira”.
Nia haktuir, daudaun ne’e Ministériu Saúde (MS) halo ona planu atu muda fatin tanba fatin ne’e tinan 14 ona uza hamutuk de’it.
“Klínika Sentru Formoza sempre servisu hamutuk ho doutór sira depois partu sira mai vizita fó ai-moruk”. Nia dehan.
1,182 total views, 3 views today
Bele hare Video Seluk :
Subscribe to Timorpost
