ADVERTISEMENT

Xefe Aldeia Bedois Lamenta Ho Desizaun Tribunál Muda Sai Inan Faluk Verónica

Mario da Costa - Dili
Jornalista : Beatriz Belo
Editor : Mário da Costa
  • Share
Inan Faluk, Veronica Xavier nia sasán butuk hela iha li'ur, Sesta (11/11), Imajen TP/Beatriz Belo.

DILI (timorpost.com) – Xefe Aldeia Bedois Lamenta ho Notifikasaun husi Tribunál hodi hasai obrigatoriu inan faluk Verónica Xavier ho nia-oan sira iha Aldeia Bedois, Suku Kamea, Postu Administrativu Kristu Rei, Munisípiu Dili.

Xefe Adeia Bedois, Jose Perreira Carceres Carvalho, hatete ohin loron Sesta (11/11), mais ou menus dader tuku 09:30, parte husi Tribunál lori karta notifikasaun mai iha inan faluk Veronica Xavier ho nia-oan sira, atu obrigatóriu sai husi sira-nia hela fatin, tanba dehan rai nain senhor Alexandrino mak manan ona rai ida ne’e.

ADVERTISEMENT
SCROLL FILA BA NOTISIA


“Ha’u hatete, hanesan Xefe Aldeia Bedois, ha’u la konkorda ho notifikasaun husi Tribunál, tanba ami seidauk hetan konesementu ida husi Tribunál, katak senhor Alexandrino manan ona kazu ne’e, Maibé, ohin derepente parte Tribunál mai hasai obrigatóriu ita-nia Inan Faluk ne’e”, dehan José ba Online Timor Post iha Bedois, Sesta (11/11).

Nia dehan, nia parte hanesan Xefe Adeia Bedois sente triste uitoan, tanba inan faluk Veronica ne’e la’ós foin hela iha ne’e, maibé nia mak primeira hela iha ne’e, nia hela iha tinan 1985 no senhor Alexandrino mai hela iha ne’e iha tinan 1995, maibé ikus mai senhor Alexandre dehan nia mak nain ba rai ne’e.

Lee Mós :
Vítima hetan Sona iha UNPAZ: “Ha’u Foin Star Motor Ema Sona husi Kotuk”

“Problema rai ne’e, ha’u mós hatene no kada vez ha’u sempre halo intervensaun ba parte rua ne’e hotu, kuandu iha problema kona-ba rai ne’e, ha’u duvida tanba tuir ha’u hatene ne’e, sira problema ba rai ida de’it, maibé ohin Tribunál lori notifikasaun katak senhor Alexandre manan uma tolu,” nia konta.

Alende ne’e nia esplika, nia hanesan Autoridade Bedois nian, hafoin Tribunál lori notifikasaun mai hodi hasai obrigatóriu inan faluk ne’e, nia hanoin atu lori sira ba hela ho Xefe Aldeia, maibé la konsege ba hela.

“Tanba, Deputadu Bankada Khuntu, Luis Ribeiro ho Prezidente Komisaun A, Joaquin do Santo no mós Advogadu to’o kedas iha terrenu, hodi hateten ita-nia inan ferik faluk, temporáriu kontinua hela iha uma ne’e, maibé sasán sira mak la bele hatama uma laran,” nia haktuir.

Lee Mós :
Kazu Disputa Rai iha Bedois, Inan Faluk Verónica Kontinua Hela iha Liur

Inan faluk Veronica Xavier, nia-oan feto, Joana de Jesus, informa nia nu’udar Timoroan, nia sente la simu ho notifikasaun husi Tribunál hodi hasai sira obrigatoriamente, tanba ne’e nia hanesan oan la simu, tanba la tuir baze legál.

“Sira-nia parte la hetan notifikasaun ida, maibé ohin dadersa ne’e, derepente simu notifikasaun ida husi Tribunál hodi hasai ami ho ami inan faluk,” nia haktuir.

Nia rekoñese, sira iha problema duni ho senhor Alexandrino kona-ba rai ida sira hela ne’e, maibé seidauk iha julgamentu ruma, mais ohin derepente de’it Tribunál lori notifikasaun hodi hasai sira ho obrigatóriu.

Nia dehan, tuir sira-nia hatene katak, rai ida sira hela ne’e, la’ós Alexandrino nian, nune’e mós tuir sira hatene katak Alexandrino ne’e faan rai ida nia hela, maibé ikus mai nia hatudu fali sira-nia rai ne’e.

Lee Mós :
Eid al-Adha fó Hanoin Profeta Abrahão nia Espíritu Sakrifísiu, Lú Olo Kontribui Karau Ida

“Rai ida agora ami hela ba ne’e, ha’u nian inan Veronica Xavier nian, ha’u-nia inan faluk ne’e, nia aman hakiak mak fó ba nia, la’ós Alexandrino nian rai,” nia konta.

Nia haforsa tan, katak sei la sai husi fatin ne’e, tanba ida ne’e sira nia rai, tanba sira hela kedas iha tinan 1985, kompara ho Alexandrino hela iha tinan 1994.

“Ami sei halo rekursu hodi hasoru Tribunál, para kontinua prosesu ne’e”, nia promete.

Enkuantu, tuir Observasaun Media Timor Post nian haree katak, inan ferik faluk ne’e ho nia oan sira-nia sasán iha liur ne’e estragus, tanba udan habokon, Nune’e mós, inan ferik ne’e nia Beioan foin halo semana ida konsege iha li’ur de’it ho udan been.

 1,325 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Xefe Aldeia Bedois Lamenta Ho Desizaun Tribunál…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No