(Reportajen Olga Soares/Editor Mateus da Cruz)
DILI- Relasiona ho presu Kombustivél ne’ebé daudauk ne’e sa’e maka’as no pasajeiru sira kontinua selu sentavu 0.15, tanba ne’e motorista hotu iha Dili, hahú hosi Mikrolete 01 to’o 012 foti desizaun hapara provizóriu operasaun.
Na’in ba Mikrolete Biloi Maju, hatete, nia parte simu ona informasaun hosi nia motorista sira katak, aban Tersa feira Mikrolete hotu sei la halo operasaun, tanba ema selu la loos.
“Hahú Segunda horisehik ohin red, transporte públiku Mikrolete sira hahú paradu, tanba ema sa’e selu de’it sentavu 0.15, nune’e ha’u hanesan na’in ba karreta konkorda, katak labele hala’o operasaun,” nain ba Mikrolete Biloi Maju, hato’o preokupasaun hirak ne’e ba Timor Post iha nia Rezidénsia Fomentu I, Segunda (25/04).
Nia konta, ohin loron nia motorista sira, lori karreta hatama sedu de’it, no sira setór osan ne’e la hanesan baibain.
“Motorista sira, ohin loron balun sori di’ak hetan to’o 20USD, no balun 10 USD, baibain loron Segunda hanesan ne’e Motorista setór osan karreta nian 25USD, maibé ohin ne’e laiha”, nia hato’o.
Nia afirma, provizóriu karreta sira sei para, kuandu Pasajeiru estudante selu 20 sentavu no ema boot ka servisu na’in tenke 0.25, foin autoriza sira halo operasaun.(Lee Notísia Seluk Iha Jornál Timor Post/Asesu You Tube Timor Post)
2,204 total views, 3 views today
Bele hare Video Seluk :