Dili(timorpost.com)—La Sama Training Center (LTC) realiza atividade distribuisaun Sertifikadu ba formandu na’in-22, ne’ebé durante ne’e aprende ka tuir formasaun kona-ba lian Inglés iha sede Partidu Demokrátiku (PD), Kolmera, Kuarta (28/06).
La Sama Training Center (LTC) hanesan sentru formasaun nasionál ida ne’ebé estabelese iha Timor-Leste hahú iha tinan 2019, lokaliza iha Kolmera sede Partidu Demokrátiku.
“Atividade ida ne’e ita realiza hodi atribui Sertifikadu ba formandu sira ne’ebé termina ona sira nia kursu ka formasaun durante fulan tolu, kona-ba lingua Inglés iha La Sama Training Center (LTC) “, Konselleiru Nino Pereira, hatete ba jornalista sira iha Sede PD, Kolmera, Kuarta (28/06).
Nia hatuan, objetivu hodi fó oportunidade ba joven sira atu ba aprende no sira bele aproveita sira nia tempu atu mai tuir formasaun kona-ba lingua.
Tanba ohin loron mundu dijitál ne’ebé mak informasaun no lingua parte ne’ebé mak importante tebes hodi bele fó formasaun ba joven sira ninia futuru atu sira mós bele prepara sira nia-an no prepara Rekursu Umanu ne’ebé kualifikadu atu kompete iha aban bairua nian.
LTC gradua ema nain-22, ne’ebé hahú hosi primeiru etapa to’o etapa daneen ida ne’e hamutuk na’in-67.
Enkuantu iha misaun prinsipál hosi La Sama Training Center katak, nia prefere oinsá mak moris ho asaun ne’ebé interpreta tuir situasaun nasionál Timor-Leste nian, tanba foti misaun ne’e ba situasaun durante sira akompaña prosesu aprendizajen iha kampus.
Depois sira deside ba harii Sentru Formasaun refere iha ne’ebá, tanba sira haree iha joven lubuk ida ne’ebé hamrook hela siénsia, maibé de faktu Siénsia to’o, maibé sira nafatin deside ho hanoin ida katak, hakat ho Siénsia ne’ebé mak iha hodi fó esperansa ba Sosiedade.
Iha fatin hanesan Formanda, Ines Soares, afirma sira simu Sertifikadu, ne’ebé durante ne’e sira aprende lian Inglés durante fulan tolu nia laran.
“Ho oportunidade ida ne’e, ha’u simu ona Sertifikadu ha’u hakarak atu ba oin sei kontinua tan tuir formasaun hodi aumenta tan ha’u nia koñesimentu no kapasidade”, nia tenik.
Nia husu ba maluk sira ne’ebé seidauk mai tuir kursus, bele ba tuir formasaun noun formal sira hotu hodi aumenta kapasidade no abilidade.
“Tanba ne’e, ha’u agradese ba sede PD liuliu ba LTC, tanba bele fó oportunidade ba ami hodi aprende iha fatin ida ne’e no fatin ida ne’e atu aprende, ida ne’e oportunidade di’ak mai ami hodi mai partisipa nafatin no tuir nafatin”, nia hakotu.
1,095 total views, 9 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![LTC Entrega Sertifikadu ba Foinsa’e Na’in-22](https://timorpost.com/wp-content/uploads/2023/06/Untitled-39.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)