(Reportajen Jaime Pires/Editor Mateus da Cruz)
Dili (Timor Post) – Prezidente Ekipa Susesu Kandidatu Prezidente Republika Francisco Guterres Lu Olo, Fernando Dias Gusmão, la aseita Komisaun Nasionál Eleisaun (CNE-Sigla Portugés), nomeia atuál prezidente Interinu Konsellu Imprensa, Expedito Dias Ximenes, hodi sai moderadór ba debate entre kandidatura Prezidente Repúblika periodu 2022-2027.
“Fretilin kontra desizaun CNE nian ne’ebé nomeia señór Expedito Dias Ximenes ne’ebé nu’udar funsionariu ida iha media privadu GMNTV atu sai Moderadór ba debate ida ne’e,” dehan Fernando Gusmão iha salaun Luz Clarita Formoza Sábadu (12/03).
Fretilin konsidera CNE la merese atu nomeia Expedito tanba durante ne’e la hatudu imparsialidade iha nia knaar.
“durante ne’e señór Expedito Dias la hatudu nia imparsiál ba notísia sira ou ba programa sira ne’ebé nia lidera, ho ida ne’e mak ami kontinua husi ba CNE atu nomeia ema seluk,” nia akresenta.
Ekipa susesu Fretilin sujere CNE nomeia ema ida hosi parte akadémiku hodi lidera debate ne’e.
“Di’ak liu nomeia ema Akadémika sira, tanba sira iha imparsialidade sira onestu liu para atu sai Moderador ba debate kandidatu sira sé ita hili fali ema moderador ida ne’ebé mak hahú ona halis ba kandidatu seluk ne’e ha’u fiar katak prosesu debate sei la la’o di’ak,” Nia hakotu.
Debate entre kandidatura Prezidente Republika, periodu 2022-2027 sei realiza iha 15 Marsu no transmisaun direta hosi GMN TV. (Lee notisia seluk iha jornal Timor Post/asesu youtube Timor Post)
717 total views, 3 views today
Bele hare Video Seluk :