Timor Post (22/07/2020)- Komandu Polísia Nasionál Timor-Leste (PNTL), liu husi Komandu Munisípiu Dili, detein sidadaun estranjeiru Xineza inisiál (RB) ne’ebé lori U$ 20 tenta subornu membru polisia unidade Tránzitu.
Kazu ne’e akontese iha loron Tersa (21/07), iha area Kruzamentu Ai-mutin Postu Administrativu Don Aleixo Munisípiu Dili.
Sidadaun Xineza ne’e kondús karreta ho xapa matríkula A.13.708 husi diresaun Ai mutin (obralan). Hafoin too iha cruzamentu motorista refere fila karreta ba fali liman loos, maibé iha sinais polisia ni’an la autoriza atu transporte liu.
Ho nune’e, membru tránzitu Munisípiu Dili, konsege hetan no hapara kedas motorista ne’e hodi husu tuir, maibé sidadaun refere hasai osan husi bolsu U$ 20 atu subornu membru tranzitu maibé membru ne’e la simu no kaptura kedas sidadaun refere lori ba iha Kuartél Munisípiu Dili, submete ba prosesu investigasaun, no oras 72 kontinua ba Tribunál Distritál Dili.
“Ita nia sidadaun ne’e devia nia koopera ho Polísia hodi entrega dokumentu oinsá buka dalan hodi rezolve tuir orientasaun husi membru tránzitu iha tereinu, maibé, ita nia sidadaun ne’e la entrega dokumentu no nia hasai osan U$ 20 husi bolsu hodi tenta subornu ita nia membru sira iha tereinu”, dehan Komandante Tranzitu Munisípiu Dili Inspetór Domingos Sarmento ba jornalista iha Komandu Munisípiu Dili, Kuarta (22/07).
Domingos esplika, asaun subornu ne’e membru Polísia la simu tanba sente aktu ida ne’e krime públiku, liuliu kontra kódigu penal artigu 294 ne’ebé ko’alia kona-ba Korrupsaun ativu.
“Korrupsaun ativu ne’e komete husi ita nia sidadaun RB rasik tanba nia koko atu subornu ba ita nia membru Polisia,” dehan Nia.
Enkuantu Komandante Munisípiu Dili, Superintendente Xefe Henrique da Costa, apresia no louva ba iha membru ka operadór sira iha tereinu.
“Sidadaun Xineza ne’e komete iha aktu krime, no nia uza razaun oioin katak nia la hatene lian tetun nune’e nia fó osan ba Polísia hodi Polísia husik nia liu de’it. Maibé ita nia Polísia sira hatán ba nia polisia la’ós atu simu subornu, maibé atu implementa de’it lei ne’ebé iha ona” haktuir Komandante.
Lider komandu polisia munisípiu Dili mós afirma tendimentu Polísia ba iha sidadaun hotu hanesan no garante lei ne’ebé iha ba ema hotu.
Enkuantu sidadaun ne’ebé tenta fó osan ba Polísia ida ne’e PNTL kaptura kedas hodi prosesu ba krime ne’e parte investigasaun submete kedas ba primeiru interrogatóriu iha Tribunál Distritál Dili hafoin detein durante oras 72.(Jornalista: Jaime Pires)
846 total views, 3 views today
Oinsa Ita nia Reaksaun iha Notisia Nee?
You have reacted on “PNTL Detein Sidadaun Estranjeiru ida Tenta Subo…”
Bele hare Video Seluk :
Subscribe to Timorpost1
/
2194
FAMILIA SIMU TIMOROAN DEPORTADU HO MATAN BEEN
PREPARASAUN BA VIZITA SUA SANTIDADE ATINJE ONA 80%
FRETILIN HUSU GOVERNU KONSIDERA VITIMA EVIKSAUN SIRA NIA HALERIK
1
/
2194
