Dili (Timor Post)—Primeiru Ministru Taur Matan Ruak, Segunda (20/12/2021) offisialmente inaugura Berlin Ramelau ne’ebé fábrika iha Xina no atraka ona iha Portu Dili, loron 10/12/2021.
Ró ne’e konstroi ho apoiu osan husi Governu Repúblika Federal Alemaña hamutuk Milaun Euro 7,8 no Governu Timor Leste tau milaun Euro 14.4. Maibé pagamentu husi governu Timor Leste sei hala’o bainhira parte kompañia ho governu halo ona inspesaun ikus.
Ró Berlin Ramelau sei halo operasaun ba mai Dili-Oekusi-Ataúro.
Entretantu, Líder Nasionál Kayrala Xanana Gusmão, ohin, hala’o ona viajen ba Oekusi hodi asisti desizaun finál husi Tribunál Rejionál Oekusi ba kazu pedofilia ne’ebé deskonfia komete husi eis Padre Amerikanu Richard Daschbach.
Xanana sa’e Barco Rápido husi Dili ba Oekusi durante oras haat nia laran. Barco Rápido iha kapasidade tula pasajeirus 260, no kada pasajerus selu $ 15.00.
947 total views, 3 views today
Bele hare Video Seluk :
Subscribe to Timorpost
