DILI—Kompania Telemor iha Timor-Leste, fahe Sim Card atus 600 ho bonus, kada Sim Card ida hetan pulsa 30 USD ba pakote unlimited durante fulan 6, prosesu fahe Sim Card gratuita ne’e liu hosi ambitu inaugura loja telemor foun iha odamatan boot Timor Plaza.
Diretór Sentru Telemor Dili, João de Jesus Mota, informa, atividade fahe Sim Card ne’e la’ós foin mak akontese maibé iha tinan 2013 telemor fahe ona Sim Card rihun 20 ba estudante sira.
“Ita boot sira bele análiza, estratéjia negosiu telemor nian, fahe uluk livru atu ema bele hakerek, tan ne’e maneira ami nian, Sim Card mak iha uluk, entaun ami fahe uluk Sim Card atu nune’e ema bele sosa pulsa, tan ne’e ami nia maneira se mak la uza Sim Card, signifika pulsa ema la sosa,” nia dehan iha durante inaugura loja telemor foun ba daruak, iha Timor Plaza, Sesta (17/03).
Nia esplika, telemor iha ona ninia loja antes ne’e loke iha SBD4, maibé hare ba movimentasaun fatin kompras menus tebes, tanba fator 4 iha area negosiu sai importante, ida maka lokalizasaun, presu, kualidade rede boot no ikus liu atendimentu.
Tanba ne’e mak kompania deside, muda new showroom grand mai iha Odamatan boot, tanba fatin refere sai hanesan sentru boot fasil ba kliente atu asesu.
Nia konta, loja telemor estabelese iha Dili hamutuk rua, ida mak Showroom Zita Plaza Igreja Aimutin nia oin, ida mak Showroom Timor Plaza.
“Ami iha planu atu loke tan Showroom 3, ida sei kobre ba area Komoro, ida sei kobre iha sentru Dili no ida sei estabelese iha parte leste, atu nune’e fasil ajuda komunidade hodi asesu ba iha loja telemor sira,” nia hato’o.
Iha oportunidade hanesan, Nain ba Timor Plaza, Alan Jape, afradese empreza Telemor tanba kontinua mantein no promove espasu boot iha Timor Plaza.
“Ha’u hakarak agradese ba kliente sira ne’ ebé fó apoiu, ba Telemor, ida ne’e la’ós de’it, Timo Plaza rasik mak fó apoiu, ita hotu nia apoiu atu bele kontinua dezenvolve telemor moris no sai boot liu tan,” nia hato’o.
Nune’e mós Repertajentante Prezidente ANC, Vidal dos Santos, hatete prezensa Governu hanesan regulador ba iha empreza hirak ne’ebé investe ba iha setór telekomunikasaun, tanba ne’e kompania ne’ebé eziste ne’e rezistradu iha timor, ne’e parseiru importante Governu ninian hodi kontribui ba dezenvolve iha TL, liuhosi setór telekomunikasaun.
“Ita nia nasaun atu ba oin iha setór dijitalizasaun, prezensa operador sira iha telekomunikasaun ne’e importante no mós atu hafasil konsumidor ka kliente sira, ohin telemor loke tan Showroom foun ida iha Timor Plaza, atu hafasil tebes ninia kliente sira,” nia agradese.
Entertantu new Showroom Grand ne’e, fó oportunidade ba kliente atu hetan promosaun, ida liuhosi kartaun free Sim Card ba ema 600, 2. Viajen dahuluk ba kliente 100 ne’ebé halo transaksaun ho prémiu fantástiku hanesan Telemor nia email, kadernu notísias no seluk tan.
La ‘ós ne’ e de’it, Telemor sei oferese promosaun sorteu iha loron 23/03/2023 ho prémiu oin-oin hanesan simu ona valór 1USD Inviting TP atu mai hamutuk ho pakote KING iha fulan 6 nia laran, Diamond durante fulan 3, tanba ne’e ba kliente Telemor sira ne’ebé halo transaksaun ohin loron nian to ‘o loron 23/03 lokraik, sei iha sorteiu di’ak.
681 total views, 24 views today
