DILI (Timor Post) — Fundu Dezenvolvimentu Kapitál Umanu (FDCH) liuhusi reuniaun Konsellu Administrasaun Fundu Dezenvolvimentu Kapitál Umanu aprova no prevee osan hamutuk millaun $19.4 iha Orsamentu Jerál Estadu (OJE) tinan 2022.
Portantu, FDCH simu ona tetu fiskál husi Ministériu Finansas ho montante $10 mil, maibé Konsellu Administrasaun Fundu Dezenvolvimentu kapitál umanu analiza la sufisiente ba programa sira entaun husi tan adisional hamutuk millaun $9.4.
Prezidente konsellu administrasaun fundu dezenvolvimentu kapitál umanu, Longuinhos dos Santos hatete, objetivu reuniaun ida ne’e atu halo aprovasaun ba tetu fiskál ne’ebé mak prevee tiha ona no mós karik iha adisional balu ne’ebé mak atu la’o presiza konsellu administrasaun fundu dezenvolvimentu kapitál umanu halo aprovasaun maka foin mak avansa prosesu seluk tan.
“Ohin ita basia total ba fiskál ne’ebé ita simu husi ministériu finansas ita iha adisional tan maka benefisiáriu $9.4 entaun osan total hamutuk benefisiáriu $19.4 ne’ebé mak atu lori ba tinan 2022,” Ministru Ensinu Superior Siénsia no Kultura, Longuinhos dos Santos informa ba jornalista sira iha salaun hotel Novo Turizmu Bidau Lesidere Dili, Segunda-feira (26/07).
Nia informa, orsamentu ne’ebé mak prevee ba FDCH ne’e iha programa 4 hanesan formasaun profisionál, formasaun tékniku, bolsu estudu no tipu programa seluk.
Nia haktuir, iha tinan 2021 orsamentu ne’ebé konsellu administrasaun fundu dezenvolvimentu kapitál umanu prevee ba FDCH hamutuk benefisiáriu $12.9 ezekuta programa formasaun profisionál, formasaun tékniku, bolsu estudu no tipu programa seluk.
“Taxa ezekusaun ba tinan 2021 ne’e ita foin atinji 27% tanba ita hein hela proposta husi liña ministerial. Tanba orsamentu ne’ebé mak ita tau basia ba planu liña ministerial hotu liuliu kona-ba formasaun no bolsu estudu sira,” nia informa.
Nia esplika, konsellu administrasaun fundu dezenvolvimentu kapitál umanu ho nia membru sira hamutuk 5 hanesan Ministériu Ensinu Superior Siénsia no Kultura hanesan prezidente, membru mak hanesan Ministériu Justisa, Ministériu Finansas, Ministériu Petroleum no Rekursu Minarais ho Sekretáriu Estadu Formasaun Profisionál no Empregu.
“Ohin ita define tetu fiskál ne’ebé ita simu husi finansas purvolta benefisiáriu $10 kuandu ita halo analiza basia ba proposta ne’ebé mak mai husi liña ministerial hotu-hotu ita analiza orsamentu ne’e la sufisiente,” nia dehan.
Nia esplika uitoan katak iha Timor-Leste prioridade ema. Ema sai hanesan fatór determinante ba dezenvolvimentu, ema mak hanesan riku soin ba nasaun ida ne’e nian. Entaun orsamentu ne’ebé tau ba fundu dezenvolvimentu la sufisiente.
Tanba ne’e, “ita husi tan adisional maibé ita presiza hetan apresiasaun no aprovasaun husi konsellu administrasaun fundu dezenvolvimentu kapitál umanu depois mak la’o ba prosesu sira seluk hanesan komisaun revizaun orsamentu polítika,” nia katak. (ono)
1,296 total views, 3 views today
Bele hare Video Seluk :
Subscribe to Timorpost
