ADVERTISEMENT

Timor Post Tenke Kredivel

Marcos Fernandes - Dili · Jeral · Munisípiu
Jornalista : Caetano Guterres
Editor : Jose Caet
  • Share
Prezidente Autoridade Munisípiu (PAM) Baukau, Veneranda Lemos

Baukau(timorpost.com)—Prezidente Autoridade Munisípiu (PAM) Baukau, Veneranda Lemos, husu ba media imprime Timor Post, atu sai media ne’ebé kredivel iha Timor-Leste.

Veneranda informa hafoin konfirma atu bele fó komentáriu kona-ba aniversáriu Diáriu Timor Post, ne’ebé harii iha loron 28 fulan Fevereiru 2000 no selebra ba dala-24 iha loron 28 fulan Fevereiru tinan 2024.

ADVERTISEMENT
SCROLL FILA BA NOTISIA


“Jornál Timor Post halo tinan 24, ha’u dezeju boom susesu, media Timor Post tenke sai beibeik media ne’ebé kredivel, media ne’ebé bele hato’o notísia ba komunidade tomak, liuliu iha area rural sira atu bele akompaña prosesu dezenvolvimentu, media hanesan parseiru dezenvolvimentu, atu hato’o informasaun ba ema lian laek sira, ita la hetan kona-ba areas hotu-hotu, media maka sai hanesan mata-dalan atu lori notísia ba ema hotu,” Veneranda informa ba Timor Post iha Edifísiu PAM Baukau, Tersa (20/2).

Lee Mós :
Feto Hahú Lidera

Veneranda esplika, ezisténsia media Timor Post ba dala-24 konsidera sei idade joven ninian, tenke sai nafatin joven ne’ebé di’ak, joven ida ne’ebé maka bele kontribui ba dezenvolvimentu iha setór media ninian.

Lee Mós :
MTC informa Taur sobre política de delimitação marítima entre costas norte e sul

“Atu hatete dehan la’ós gosta, la’ós dehan la gosta maibé dala-ruma ita sai loos dezafiu, hanesan ami sira ne’ebé fornese informasaun ba ita boot sira, atu divulga dala-ruma publika fila-fali saida maka ami ko’alia, tanba ne’e ha’u espera katak ba oin media tenke sai media ne’ebé kredivel no hato’o mensajen ne’ebé loos no di’ak ba komunidade tomak ne’ebé asesu ba informasaun”, nia fó hanoin.

Dala-barak informasaun ne’ebé maka Timor Post públika haree hanesan sai iha media eletrónika, ko’alia buat seluk publika buat seluk atu halo ema hotu bele hakfodak. Tanba ne’e maka nia husu atu labele halo sensasionál demais, media tenke kredivel hodi hato’o informasaun loloos ba públiku.

Lee Mós :
Loron Ezame ba Kandidatu Prezidente Autoridade Munisípiu Dili

“Ha’u hato’o parabéns ba Timor Post, ne’ebé selebra tinan ba dala-24 atu bele susesu nafatin”, nia fó parabéns.

 1,410 total views,  24 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Timor Post Tenke Kredivel” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No