DILI, (timorpost.com)— Prokuradór Jerál Repúblika (PJR), Alfonso Lopez, informa, relasiona ho prosesu kazu ró Haksolok ne’e, kompeténsia prokuradór titulár nian.
Kazu ró haksolok, Ministériu Públiku avoka fali tanba prosesu kleur liu, tanba Komisaun Anti Korrupsaun ( KAK) labele kontinua halo investigasaun tanba laiha komisáriu KAK.
Banhira prosesu ruma tama ona iha Ministériu Públiku (MP), prosesu sempre la’o, kazu balun tenke liuhosi sensível, no liuhosi krimisaun, maibé prosesu agora la’o hela, PJR iha obrigasaun no devér atu labele públika sai maibé tenke respeita, parte ida mós MP respeita imi jornalista sira, maibé atu kolabora ba informasaun, maibé parte lei mós limita kuandu prosesu la’o hela no seidauk to’o akuzasun, ida-ne’e tenke PJR kuidadu.
“Prosesu ró haksolok naruk ka la naruk ne’e prokuradór titulár mak tenke hatene, tanba prokuradór titulár mak kaer prosesu ida-ne’e, ein jerál ita hanesan povu bele avalia katak, kleur tanba saida, dalaruma presiza dokumentu sira, ita labele naran-naran akuza ema tanba investigasaun ne’e tenke rekolla hotu evidénsia, dokumentu no rona sasin”, dehan PJR, Alfonso Lopez, ba jornalista sira hafoin remata enkontru ho Prezidente Repúblika iha Palásiu Prezidensiál, Bairu-Pité, Segunda, (25/03).
Prokuradór mós preokupa katak, liga ba prosedimentu kazu ró Haksolok ne’e tanba to’o agora KAK seidauk iha komisáriu, ida-ne’e mós sai kestaun ka difikuldade maibé prosesu ba kazu ró Haksolok ne’e la’o hela.
“Atu kontinua de’it prosesu investigasaun antes KAK halo ne’e ka lae, ida-ne’e prokuradór titulár mak hatene, tanba nia mak kaer prosesu, iha faze ida-ne’e PJR labele ko’alia, la’os tanba PJR lakohi ka laiha imunidade, kuandu nia viola segredu justisa PJR mós tenke loke investigasaun ba PJR, tanba viola lei kódigu prosesu penál”, nia dehan.
Molok ne’e, iha loron 31 fulan-Janéiru 2024, Diretór Investigasaun KAK, José Verdial, hatete, KAK konklui ona investigasaun ba kazu 38 inklui ró haksolok no hirak ne’e submete ona ba Ministériu Públiku.(*)
540 total views, 3 views today
Bele hare Video Seluk :
Subscribe to Timorpost
