DILI (timorpost.com) – Ministeriu Publiku (MP) liu husi prosesu alegasaun husu ba Tribunal atu aplika medida koasaun prizaun preventiva ba Arguidu Diretór Ajensia Viajen New Generation FFX alias SM tanba aktu husi arguidu nian priexe duni elementu krime Trafiku Umanu ne’ebé MP imputa ba arguidu.
Maibé Parte Defeza lá aseita ho medida refere, tanba arguidu rasik deklara katak Nia iha lisensa hodi bele halo atividade henesan Ajénsia Viajen nian no lá haruka ema ba servisu iha raí liur, maibe ema sira ne’e mak ba duni iha arguidu nia Ajénsia hodi husu para arguidu trata sira-nia dokumentu no sosa villete hodi sira bele ba iha liur
Alende ne’e, arguidu rasik lá promete ba lezadu sira ne’e atu ba hetan servisu iha raí liur ne’eba, tanba Ajensia ne’ebé arguidu dirije ne’e so para atu trata de’it dokumentu para atu ajuda ema ba iha ne’eba
“Ha’u nia pozisaun medida Prizaun Preventiva ne’ebé Ministeriu Públiku husu ne’e la serve, tanba la prienxe artigu 183 Kodigu Penal, arguidu la halai no arguidu la halo kontinuasaun krime ida, entaun aplika nia bá Prizaun Preventiva ba saida? Medida ekuasaun ne’ebé adekuada liu mak aplika TIR ou se todan liu Aprezentasaun Periodika”, Defensor Publiku Eustaquio Guterres informa ba jornalista sira iha TDD-Mandarin, Domingu (23/10) kalan
Hafoin rona tiha alegasuan ba prosesu primeiru interogatoriu ne’e, Tribunal deside ádia ba aban (ohin), hale’u tuku 2, hodi lee sai despaixu ikus
Entretantu, Arguidu Diretór Ajensia Viajen New Generation FFX alias SM, domingu (23/10) lokraik submete ona ba Primeiru Interogatoriu (PI) iha Tribunál Distrital Dili (TDD)
Arguidu FXX to’o iha Tribunál Distritál Dili iha oras 17:30 loraik no hetan akompañamentu husi Polisia Nasionál Serbisu Investigasaun Kriminál (PNSIK) ho kodisaun tau alzelma (borgol) iha liman no tau roupa deteidu nian
Hafoin deskansa minutu balun iha sela TDD, arguidu submete kedan ba interogatoriu dahuluk iha oras 17:45
Enterantu tuir observasaun jornalista nian iha terrenu nota katak, durante presensa arguidu FFX iha TDD, marka mós presensa hosi membru Grupu Arte Rituál (GAR) 77, tanba arguidu mós hanesan lideransa iha arte ritual refere.
Antes ne’e, iha loron Sesta (21/10), ekipa konjunta kompostu hosi Polisia Nasionál Serbisu Investigasaun Kriminál (PNSIK), Serbisu Informsaun Polisia (SIP), Serbisu Nasionál Intelejensia (SNI) no Servisu Informasaun Militár ho J2 FALINTIL-Forsa Defeza Timor-Leste (F-FDTL), ezekuta mandadu hosi Tribunál Distritál Dili ho Numeiru Úniku Kriminál (NUC) 215/22 PNSIK, hodi kaptura arguidu iha nian rezidensia Taibesi no lori mai detein iha sela PNSIK Kaikoli, tanba deskonfia iha realasaun ho kazu timoroan lubun ne’ebé sai vitima no abandona iha Portugal inklui timor oan balun ne’ebé lakonsege ba Portugal maske hatama ona osan ho montante $3000 kada ema
Prosesu Primeiru Interogatoriu ne’e Prezide husi Juiz singular Alvaro Maria, Ministeriu Públiku (MP) repezenta husi Prokuradora Lidia Soares no arguidu hetan asistensia legál hosi Defensor Publiku Eustaquio Guterres.
1,982 total views, 3 views today
