DILI, (timorpost.com)— Diretór Prizaun Gleno, Cristiano Salsinha, husu ba Governu presiza hadi’a nível Guarda Prizonál sira-nian tanba durante tinan barak ona Guarda Prizonál sira mantein ho nível dois.
Iha prizaun sira liuliu prizaun Gleno feto ho númeru ki’ik, na’in-9 maibé sira halo esforsu no servisu hanesan ho mane sira hodi fó seguransa ba prizonéiru sira.
“Ami-nia gurada feto ho númeru ki’ik maibé sira kontinua esforsu hodi halo segursa ba dadur sira, mais ami husu ba governu atu ba futuru tenke aumenta númeru ba gurada prizonál sira”, dehan Cristiano ba Timor Post via telefone, Sesta , 08/03).
Nia hatutan, “Husu ba governu atu hadi’a estrututu guarda prizonál tanba daudaun ne’e tinan 20 ona, maibé ho nível dois nafatin, iha ami-nia dekreitu lei iha tiha ona mais la tuir ami-ni dekreitu lei ida”.
Aleinde nível ki’ik, guarda prizonál sira mós barak mak idade avansadu ona no balun ho kondisaun moras hela.
“Ita ko’alia kona-ba kondisaun ne’e ita-nia gurada prizonál iha Timor-Leste, iha tinan 2000 to’o agora menus no balun tama ba idade reforma no balun sofre hela moras, tanba ne’e ami presiza guarda prizonál no husu ba governua atu rekruta lalais guarda foun, atu nune’e bele halo atendimentu ba prizonál sira”, dehan nia.
Iha sorin seluk, Diretór Prizaun Bekora, Nito do Santos, hatete, gurada prizonal feto iha Bekora hamutuk 12.
“Ita-boot sira hatene guarda prizonál sira-nia servisu ne’e mós hanesan mane oinsá halo seguransa ba dadur sira iha prizaun, nune’e mós akompaña sira karik ba halo tratamentu moras, inklui akompaña dadur sira ba iha tribunál hodi tuir julgamentu”, dehan nia.
Tanba ne’e, kondisaun ba sira ne’e di’ak maske gurada prizonál sira ho númeru la sufisente maibé parte prizaun jere rekursu ne’ebé iha hodi atende kualkér situasaun iha prizaun Bekora.
Atividade guarda prizonál sira nian loron-loron mak fó seguransa ba dadur sira, troka malu, balun tama dader 08: 00 to’o 05:00 no balun tama lokraik tuku lima to’o dadersan.(*)
777 total views, 3 views today
Bele hare Video Seluk :