Dili (timorpost.com)—Ohin loron Media Timor Post liu husi Televizaun Timor Post Live Streaming selebra aniversáriu ezisténsia tinan ne’e ba dala rua hahú husi 06 Outubru 2021-06 Outubru 2023.
Jerente Televizaun Timor Post, Isabelita Ermelita, haktuir servisu iha TV live streaming ne’e todan tebes, la hanesan ho Programa digital seluk hanesan website online no media imprime jornál.
“Servisu iha Televizaun la’ós buat ne’ebé fasil kompara ho programa seluk. Iha Televizaun jornalista sira ba halo kobertura liu husi prosesu ida halo editing ba naskah, video depois presenter, editing video, depois mak bele tam aba produsaun, ne’ebé liuhusi prosesu ida ne’ebé naruk”. Nia haktuir ba Timor Post, iha Edifísiu TVTP, Sesta (06,10/2023).
Dala barak ema kestiona tanba saida tarde, maibé ida ne’e mak prosesu.
“Televizaun Timor Post “TVTP“ Live Streaming foin eziste tinan rua kuandu ita kompara ho Televizaun seluk ne’ebé eziste kleur ona, maibé la’ós ida ne’e mak importante, oinsá mak nafatin servisu hamutuk hanesan super team ida hodi hatudu kualidade husi produtu servisu ne’e rasik ba públiku. Maski TVTP foin eziste maibé lakohi lakon kompete ho media seluk”.
Jerente ne’e haktuir, daudauk ne’e TVTP Live Streaming sei hasoru difikuldade barak hanesan rekursu umanu, fasilidade menus, transporte hanesan karreta la iha sai difikuldade tebes ba ekipa iha terrenu.
“Iha parte ida presiza kualifikadu, tanba ne’e presiza formasaun ba jornalista sira atu bele aumenta sira nia koñesimentu no abilidade di’ak liu iha servisu TV liu husi oinsá halo reportajen, editing naskah, Video, Live Streaming, Lingua, Jestur reportajen sira ne’e hotu presiza. Ida ne’e mehi ba oin”. haktuir Jerente.
Kona ba Produtu, daudauk ne’e TVTP ho fasilidade ne’ebé natoon loron ida bele produs notísia 10 ba leten. Nia haktuir, kada loron sempre iha notísia. Liga ba ekipamentu seidauk sufisiente tanba “agora daudauk TVTP iha de’it kamera boot tolu, maibé uza ba kobertura terenu ne’e ida de’it, rua seluk mantein iha studio tanba iha programa bainaka espesiál. Kuaze jornalista sira iha terenu maioria uza de’it telefone maibé ho kapasita ne’ebé ki’ik.
“Ita husu nafatin ba jornalista iha TVTP Live Streaming hotu atu nafatin hatudu servisu kualidade, fraternidade, super team labele egoízmu maibé presiza kolaborasaun no komunikasaun hodi hadi’a kualidade TVTP ba oin ho di’ak liután”.
Agora daudauk ekipa TVTP Live Streaming ho nia staff hamutuk na’in 17 inklui jerente ida, admin ida, editor rua, streaming ida. Seluk husi ne’e jornalista terenu.
Iha fatin hanesan, Diretór ezekutivu Timor Post, Jacob Ximenes parabeniza ba staff Timor Post tomak liuliu ba ekipa TVTP Live Streaming ne’ebé mak ohin selebra loron aniversáriu ezisténsia ba dala tinan rua.
“Hanesan Diretór Timor Post hakarak congratulation ba ekipa tomak liu-liu ba ekipa TVTP Live Streaming ne’ebé selebra loron ezisténsia TVTP ba tinan rua parabens bai ta hotu”. Haktuir Diretór TP Jacob Ximenes.
Director Jacob mós husu ba staff hotu atu nafatin koopera malu, servisu hamutuk iha team hodi realiza kualidade servisu.
“Kualidade media ne’e presiza kooperasaun hamutuk husi team hotu hodi lori Timor Post sai media ida kualidade ba future, livre, independente ba sosiedade ida di’ak ba povu no nasaun ne’e liu husi notísia sira ne’ebé publika husi Timor Post rasik. Dala ida tan parabens ba ekipa tomak”. Hakotu.
Iha fatin hanesan Jornalista TVTP, Epifania de Carvalho hatete durante hala’o kobertura iha terenu hasoru difikuldade barak hanesan kamera limitadu, transporte la iha tenke sa’e bemo dala ruma to’o bai ha fatin atu foti notísia tarde.
“Difikuldade tanba la iha transporte difikulta mai ami, atu ba kobertura oras liu tona. Dala ruma mos bemo nakonu. Durante ne’e ami uza de’it telephone la sufisiente tanba dala ruma foti video kualidade gambar la diak, dala ruma fonte ko’alia lian la moos” nia dehan.
Husu ba Fundadór sira atu tau matan ba TVTP Live Streaming liu husi tau matan hodi kompleta fasilidade/ekipamentu sira ne’ebé menus hodi ajuda jornalista sira hala’o servisu iha terenu ho di’ak.
1,806 total views, 3 views today
Bele hare Video Seluk :