Dili (timorpost.com)—Ministru Asuntu Kombatente Libertasaun Nasionál (sigla-portugues MACLN, Gil da Costa Monteiro “Oan Soru”, liuhosi diresaun nasionál jestaun patrimóniu peskiza no programa fó formasaun bá Ekipa validasaun hamutuk ema nian ne’en nulu (60).
Ekipa hirak ne’e sei tun direta ba iha munisípiu sanulu resin rua (12) no suku sira iha teritóriu Timor laran.
Ekipa validasaun ne’ebé sei bá halo validasaun kompostu hosi MACLN, CMCLN, eis kuadru rezisténsia, no pesoál apoiu suku.
“Husu bá ekipa ne’ebé sei tun direta hodi hala’o servisu ho responsabilidade tuir giaun ne’ebé ministériu prepara tiha ona, ekipa validasaun tenki kruza ka cross check bá dadus ho sasin sira seluk, ne’ebé prezente molok halo alterasaun, ekipa validasaun tenke lee sai matebian nia identidade kompletu hosi fixa uma lisan ne’ebé mate tanba ukun rasik (ida por ida) hodi konfirma no komprova ho dadus iha baze dadus”. Timorpost asesu husi (Mídia G-MACLN), Tersa (23/04/2024).
Ekipa hirak ne’e sei bá halo validasaun no aprovasaun iha fulan Maiu tinan ne’e. formasaun ne’e fó hosi Asesór MACLN Nuno Gabriel de Sá, no Asesór nasionál jestaun patrimóniu peskiza no programa Diego Neto Fraga .
1,095 total views, 3 views today
Bele hare Video Seluk :