Dili, (Timorpost.com)—Governu liu husi nia reprezentante Ministru Administrasaun Estatál, Tomas do Rosario Cabral hasoru malu ho ulun boot Igreja katólika Timor-Leste Arsebispu Arkedioseze Metropolitana Díli, Dom Virgílio Kardeál do Carmo da Silva, SDB kontinua diskute preparasaun simu vizita apostolika santidade Papa Francisco nian mai Timor-Leste.
Ministru Administrasaun Estatál, Tomas do Rosario Cabral hatete hanesan povu tomak hatene liu husi karta pastoral ne’ebé anunsia husi Vatikanu katak Amo Papa Francisco sei hala’o vizita apostolika mai Timor-Leste iha Loron 09 too 11 Fulan Setembru 2024.
“Enkontru ida ne’e parte ida husi apoiu malu ba preparasaun simu Amo Papa Francisco. Amo Papa mai ho misaun rua, vizita apostolika no hasoru ukun nain ou governu inklui Prezidente Repúblika iha diálogu”. Haktuir Tomas do Rosario Cabral ba Jornalista sira iha Salaun Lesidere Bidau, (Segunda 15/04).
Governante ne’e dehan, Governu nia papél maka oinsá apoiu Igreja liu-liu mobilizasaun sarani sira ho fatin ne’ebé preparasaun ba Amo Papa sei dirije Eukaristia Misa santa ho sarani tomak Timor-Leste iha Tasi tolu.
“Hanesan ema hotu asesu katak iha loron 10 fulan Janeiru tinan 2024, Radio Veritas Asia (RVA) fó-sai katak, Papa Francisco sei hala’o vizita bá nasaun haat iha Ázia mak hanesan Indonézia, Singapura, Timor-Leste (TL) no mós Papua Nova Giné iha fulan Setembru tinan ne’e”. Hakotu.
1,773 total views, 3 views today
Bele hare Video Seluk :