DILI, (timorpost.com)—Eis Adjuntu Komisáriu KAK Luís Oliveira Sampaio hasoru malu ho Prezidente Repúblika (PR), Jose Ramos Horta hodi diskute kona ba papél KAK nian iha futuru ohin loron sai amburaduk tanba ne’e presiza kria meza kabuar solusiona problema Komisariu KAK.
Eis Adjuntu Komisáriu KAK Luís Oliveira Sampaio hatete, inisiativa hakarak hasoru PR Horta ne’e indivíduu, tanba papél KAK ne’e importante tebes ba nasaun.
“Ha’u servisu tinan tolu ho balun hanesan kuazuva Komisáriu KAK iha área prevensaun ninian, ha’u koñese di’ak KAK nia papél no nia importánsia ba kualkér governasaun se de’it, entaun bainhira ha’u rona tiha Xefe Estadu nia avaliasaun reazen krítika ba KAK nia papél, kompeténsia no intervensaun sira ne’ebé Xefe Estadu rejista tuir versaun ninian, ha’u manda mensajen liu husi Whatsap. Prezidente Repúblika aprezenta dadus sira ne’ebé bazeia ba ha’u nia koñesimentu anteriór ninian bainhira ha’u halo kna’ar iha KAK kona-ba intervensaun sira ne’ebé KAK halo, no mós rejista progresu lubuk ida, kazu sira ne’ebé ita atua, dadus sira ne’ebé ita iha atu halo balansu ba Xefe Estadu atu hetan versaun seluk, husi versaun ne’ebé Xefe Estadu rasik iha husi fonte ne’ebé nia hetan, “dehan Luis Sampaio ba jornalista sira hafoin remata enkontru ho Prezidente Repúblika iha Palacio Prezidensiál Bairu-Pite, Segunda (15/04).
Eis Adjuntu Komisáriu KAK ne’e haktuir, Xefe Estadu husu nia atu hasoru hodi diskute informasaun sira, dezenvolvimentu setór justisa nian, inklui mós kazu KAK ninian, maibé nia hanesan indivíduu la reprezenta instituisaun ruma bazeia ba ninian esperiénsia ne’ebé halo iha tinan sira liu ba no mós koñesimentu área justisa ne’ebé antes ne’e.
Tuir nia, intervensaun sira ne’ebé durante KAK halo iha tempu ne’ebá, hatudu ba Xefe Estadu, atuasaun sira ne’ebé halo, prosesu ne’e halo nusa, atu Xefe Estadu iha koñesimentu akompaña progresu sira, no mós dezafiu sira ne’ebé instituisaun ne’e enfrenta.
“Tuir loloos lei númeru 8/2009 kona-ba estebelesimentu KAK nian dehan antes mandatu atuál ne’e remata tenke iha ona Komisáriu foun ida ne’e la konsege halo ne’e tinan barak esperiénsia sira ne’e”. Nia haktuir.
Nia dehan, iha lei ne’e ezije kandidatu sira ema ne’ebé alende hanesan mai husi majistradu juis, majistradu prokuradór, defensór, advogadu, jurista professional tinan lima ba leten ka polísia investigadór esperiénsia tinan lima ba leten rekizitu importante ida mak ema ne’e tenke iha imparsialidade no independénsia iha ne’e elementu importante ida ne’ebé presiza konsiderasaun mais ita haree parlamentu nasionál ne’e la hanesan ne’e entaun ida ne’e mak ita presiza aprezenta ba Xefe Estadu atu Xefe Estadu bele iha koñesimentu kona-ba sasán sira ne’e.
Prezidente Repúblika José Ramos Horta aprezenta de’it nia opiniaun, Xefe Estadu iha ideia balun konkorda, ideia balun nia la konkorda tanba nia kompeténsia mais tanba Xefe Estadu mak tuir kompeténsia konstitusionál, atua, intervene, atu ko’alia ba entidade sira hotu ne’ebé mai husi nu’udar órgaun demokrátiku sira inklui mós parlamentu nasionál, atu ezije parlamentu nasionál halo kna’ar lalais, governu mós bele hala’o kna’ar lalais tanba nia kaer kompeténsia ida, entaun ita husu Xefe Estadu ativu liu halo diálogu, komunikasaun atu hetan konsensu lalais tanba KAK importante ba instituisaun se de’it, ba ohin no ba futuru.
1,026 total views, 6 views today
Bele hare Video Seluk :
Subscribe to Timorpost
