Dili,(timorpost.com)—Sekretariu Estadu Formasaun profisional Empregu (SEFOPE) liu husi Pacific Australia Labour Mobility (PALM), kooperasaun ho Sentru Formasaun Science of Life System (SOLS) halo lansamentu etapa dahuluk ba formasaun lian Ingles ba kandidatu traballador hamutuk-128.
Diretor Jeral SEFOPE, Carlito do Rosario Cabral informa kooperasaun ida ne’e atu hasa’e koñesimentu joven sira nian abilidade iha lian ingles liu-liu ba sira ne’ebe tama ona iha sistema iha work the Ready Pool atu ba servisu iha Austrália hodi nune’e sira prepara sira nia an iha língua ingles.
“Lansamentu ba primeiro etapa formasaun ba lian ingles entre PALM ho Sols atu hasa’e koñesimentu kandudatus sira nian iha lian ingles. Formasaun ida ne’e foka liu ba kandidatu sira ne’ebe tama ona iha sistema work the ready pool atu ba servisu iha Austrália hodi nune’e sira prepara sira nia an iha língua ingles hodi ba servisu karik labele falha ”. dehan Diretor jerál SEFOPE, Carlito do Rosario Cabral ba jornalista sira iha Ahha Education SOLS, Becora, Terca ( 09/04/2024).
Diretor ne’e haktuir, partipante iha primeira etapa ida ne’e hamutuk 128 kandudatu. Sira sei tuir formasaun ne’e ho nia durasaun fulan tolu.
“Ha’u fiar katak sei garanti kualidade tanba SOLS nia maneira hanorin di’ak, no fiar katak kualidade sei di’ak no sira sei hetan oportunidade atu ba servisu iha rai li’ur”.
Aleinda ida ne’e ba munisípiu sira SEFOPE iha komitmentu hakarak servisu hamutuk ho SOLS hetan apoiu husi BYFAT sei estabelese formasaun sira iha kada munisípiu.
957 total views, 3 views today
Bele hare Video Seluk :
Subscribe to Timorpost
