DILI, (timorpost.com)— Governu liuhosi Ministériu Petróliu Rekursu Minarais (MPRM) no Internasional Finance Corporation (IFC) asina akordu asistensia tékniku ba dezenvolvimentu petróliu no rekursu minarais ba implementasaun projeitu armajendamentu kárbonu iha área Tasi Timor.
Ministru MPRM, Francisco da Costa Monteiro, hatete, akordu ne’e la’os akordu foun maibé akordu kontinuasaun ba servisu hamutuk entre IFC ho entidade sira, anteriormente ho MPRM, maibé hafoin ida-ne’e, Governu katak, ne’e projeitu foun ida ne’ebé iha ligasaun ho petróliu, maibé la’os projeitu petróliu.
Projetu ne’e atu tenta kapta no mós armajena sentru, entaun ministériu foti inisiativa katak ba oin ministériu haree kona-ba asuntu ida-ne’e, depois mak sei orienta servisu balun ba Autoridade Nasionál ho Timor Gap.
“Ohin ami konklui akordu ida-ne’e, di’ak teb-tebes tanba permite kontinuasaun servisu no asisténsia balun ne’ebé IFC halo tiha ona, agora ita iha reta finál ida, oinsá mak konklui enkuadramentu legál balun, permite Timor-Leste konsidera ba hanesan nia enkuadramentu sira atu aplika iha nia prosesu rasik”, Ministru, Francisco da Costa Monteiro, informa ba jornalista sira hafoin asina akordu iha edifísiu PPRM, Faról, Kinta, (21/03).
Nia hatutan, “Bayu Udang tama daudauk ona ba iha nian faze finál produsaun nian, kontinua nafatin iha komunikasaun intensivu no kontinua ho kampañia operadór Bayu Udang nian, nesesante ho nia parseiru, maibé mós hodi dezenvolve hanoin halo nusa mak depois faze petróliu ne’e hotu ne’e ita atu ba oin ne’e halo nusa?,”
Iha fatin hanesan, reprezentante Internasionál Finance Corporation (IFC), Euan Marshall, hatete liuhosi akordu ba projetu ne’e IFC sei oferese asisténsia téknika ba MPRM ho entidade revante hodi dezenvolve enkuadramentu legál ba projeitu armajenamentu kárbonu iha Tasi Timor, liuliu kampu kampu ka postu Bayu Undang, no mós fasilidade projeitu Bayu Udang.
“Ami haree katak ida-ne’e oportunidade ne’ebé interesante tebes ba Timor no bele sai fonte rendimentu ba futuru no bele mós lori inovasaun lubuk ida ba Timor-Leste hodi fó benifísiu ba Ministériu Petróliu Rekursu Minarais no mós ba nasaun”, Euan Marshall, hatete.
Nia hatutan, “Ita haree katak teknolojia no mós seitór kapturasaun no mós armajenamentu kárbonu ne’ebé foin iha faze dezenvolve entaun ita bele sente orgullu no mós ita bele sente katak, intersante tebes Timor-Leste bele lidera no bele sai lida ida iha prosesu dezenvolvimentu ba teknolojia no mós merkadu ida ne’ebé importante tebes”.
Nia dehan, parte rua hotu-hotu hatene, hasoru krize kona-ba mudansa klimátiku entaun projetu armajenamentu kárbonu no mós teknolojia armajenamentu kárbonu bele ajuda parte rua nian luta hasoru dezafiu mudansa klimátika. Bele fó benefísiu ba Timor-Leste no bele fó benefísiu ba mundu tomak.(*)
4,293 total views, 30 views today
Bele hare Video Seluk :
Subscribe to Timorpost
