DILI, (timorpost.com)— Diretór Ezekutivu AJAR, José Luis de Oliveira, husu tenke loke investigasaun ba Ministru Komérsiu Industria (MKI), Nino Pereira, relasiona ho osan subsídiu ba kompañia importadór foos sira, tanba foos daudauk ne’e folin kontinua sa’e.
Iha tinan kotuk Governu Konstitusionál da-IX aloka osanmentu estadu millaun $4 USD ba empreza importadór foos sira ho intensaun halo intervesaun ba presu foos ne’ebé sa’e maka’as iha merkadu teritóriu nasionál, maibé foos folin kontinua sa’e maka’as.
Tuir nia, subsidiu ne’e iha tendensia korupsaun, tuir lolos parlamentu no Komisaun Anti Korupsaun (KAK) tenke loke investigasaun, atu haree, tanba-sá mak ideia hamosu subsidiu ne’e.
“Ha’u hanoin ideia ida-ne’e, atu afavór terseira pesoas ne’ebé depois halo danus ba estadu, ita fó sunsídiu maibé foos folin kontinua aas, ida-ne’e iha tendensia korrupsaun, tanba ne’e ha’u ezije tenke loke investigasaun ba Ministru Komérsiu Industria, inklui kompania sira ne’e”, dehan Luís ba jornalista sira iha edifísiu AKBiit Bemori, Segunda, (18/03).
Nia dehan, “Dala-barak ida-ne’e ligasaun ho eleisaun liubá, dala-ruma kompania sira fó osan ba partidu polítiku no agora sira troka fali, atu halo polítika hodi afavór fali, see uza sira-nia osan laiha buat ida, maibé subsidiu ne’e uza osan povu nian, la’os sira-nian”.
Tanba ne’e, sosiedade sivíl nia haree, subsídiu ba kompañia importadór sira laiha vantajen ba povu no estadu, entaun tenke loke investigasaun para bele hatene, tanba iha subsídiu mais foos folin kontinua sa’e iha merkadu no iha loja sira, liuliu mak iha munisípiu sira.(*)
1,062 total views, 3 views today
Bele hare Video Seluk :
Subscribe to Timorpost
